Tuzaan Hakha Mipi Cawlcanghnak Cu A Sunglawi Kho Tak Tak Si!

March 16, Zaan ah Hakha khuami hna cu khuachung ah chuak in Ralkap uknak duh lonak cu an langhter than. Chun he zaan bak he an cawlcangh nak kan hmuh tikah zeitluk in dah ram caah an i zuam i ,Zeitluk in dah mipi nih luatnak tak tak hi kan herh ti a langh ter.

Tu zan Hakha khua ralkap uknak duhlo langhternak ah mi tampi an chuak kho hna tiah theih a si. Lampi ah a chuak mi zong an um i Inn in siseh leng in siseh umkheng dennak zong an tuah chih. Uar an um khunnak cu thlacamnak zong an ngei chih tiah theih a si fawn.

Tlaih a tongmi Peter Thian Bawi Sang le Van Ceu Thawng an luat nakhnga thlacampiaknak in an caan an hman hna. Hakha chung khuasa Ralkap ca rian a ttuan mi pawl an hmanthlak zong an taar hna i “WANTED” tiah ca an ttial chih. Hi bantuk in zaan hnu ah Hakha mipi an cawlcangh nak kan hmuh tik ahhin, upat lo awk hrim an ttha lo. Nan thil tuah mi hi a sunglawi tuk mi a si. Hmunkip kakip ummi nih kan in upat tuk hna.

Crd- Min Cung Sang/ The Chin Jornal.