Tuzarh chungah Kan Chinmi 4 Bak Ralkap Nih An Kan Thah Piak Cang Hna! (Tuar a har tuk ee)

Chin mi minung 4 bak Kalay ah Kawl Ralkap nih an thah cang hna. Lung a fak kho tak tak. Irrawaddy news nih cun fiang tak tak in hi kong hi a langhter. Ralkap sual ruang ah Chin minung 4 thah an si cang i a dang minung 10 tluk cu hliamhma an ing. A fak hrinhrang ko.

Hi ithahnawnnak hi Kala Townshiop, Sagaing Region  i a cangmi a si. Zahan (Wednesday) tiang khan ithahnak hi a tlung. Ralkap duhlonak lam zawh hi Kale ahcun Feb 7, ralkap nih aanaa a ting hnu a ni 6 nak ah an thok.

Ralkap lei nih March 2 khan cawlcangh hram an thok cang. Cu ka cun kum 18 pa te an rak thah. Cun Chin minung 4 dang zahan khan thah than an si. Zahan i kawl ralkap Palik le Mipi buainak  hmun hi Chin mi tampi um nak Tar Han khuate hrawng ah a si.

Lam zawhtu minung 30 hna cu an zaam cuahmah lio le bawmchan dingin ambulance a rat cuahmah lio ah hi thil hi a cang. A thi hmasa bik  Pa hi a nau nu chanh a timhnak lei ah amah tu kah a tong.

Cun Lung a fak tukmi Chin lamzawhtu hna nih cun lampi an kham. Hi ka hin minung 2 Ralkap nih an kah than hi a si. Atu tiang ah Kale i Chin mi a thimi hna hi minung 4 an si. Cu hna lak ah minung 1 hi a min langhter a si lo. A dang minung 3 nunnak a liammi hna cu:

  1. Salai Cung Lian Ceu (kum 25)
  2. Pu Cin Khanh Mang (kum 27)
  3. Salai Do Suan Kim (kum 20), hna hi an si.

Salai Cung Lian Sang hi Kalaymyo, Taungphila sang ah ah khua a sami a si.  Pu Cin Khanh Mang hi fa pathum a ngeimi a si i, Khaikam khua ah chungkhar he khua a sami a si. Salai Do Suan Kim hi Tedim peng, Tezang khuami a si.  

Source: Irrawaddy News