Uar an um kho tuk ee…3000 leng Mipi nih Ti cungah Sandahpiahnak an tuah! (Video).

Kawl Ralkap uknak duh lo nak cu hmun kip kip le a phun phun in langhter a si cang. Christians, Muslims, Doctors, Engineers, Bodybuilders le a dang dang tampi hna zong nih Kawl Ralkap nih cozah an laak mi an duh lo nak cu an langh ter cio hna.

May be an image of one or more people, people standing and outdoors

Shan State, ah an piah dan cu a phundang ngai ngai. Mipi 3000 leng cu Inle tidil ah an tilawng in an chuak hna i Ralkap uknak duhlonak cu ti cung in an langhter. February 11 ah khan an rak thok cang. Zing lei 8:30 am in 11:00 tiang an piah hna ti theih a si. Nizaan zong, a tu ni zong an peh rih lai tiah theih a si.

May be an image of body of water

Uar an um kho tak tak si, ti cung le tlang cung kip in Kawlram Mipi kan aunak a thawng hi a thang in theihpiak kan si te ko lai. Lungrual tein hmunkhat ah kan dir tti hna ahcun Teinak cu Mipi cung ah pek a si te ko lai. Lam kip le hmunkip in pakhat le pakhat thazaang pek tu i bawm hram rih ko hna usih.

May be an image of 1 person, standing and outdoors

Ref: DVBTvNews

Relchap: Ralkap nih Kawl cozah uknak a laak hnu ah, Malaysia in Ralzaam le Kawlram mi 1,200 A kir pi hna lai.

Malaysia nih kawlram mi 1,200 hna cu kawlram ah ka kuat than dih hna lai tiah bia a chim cang nain, Ralkap nih Kawlram cozah an laak hnu ah, UN nih Malaysia cu, Kawlram mi hna cu kawlram ah kuat rih lo in Malaysia ah um ter rih chung ding in bia a cah.

Kawl Ralkap nih raltuknak tilawng (Navy ship) 3 cu Malaysia i a um mi kawlram mi hna laak nak ah ka rak thlah lai i kawlram mi ka kir pi dih hna lai tiah a ti i Malaysia nih cun kuat ding in a timh cang hna. Mah bantuk in Ralkap nih thil tuah an timhmi hi a voikhatnak bak a si. Ka ram in a rak zaam mi pawl kha ka rak laak dih hna lai tiah a ti.

Kan theih cio bantuk in Malaysia ni cun UNHCR cu 2019 august ah khan an rak dih ter cang i, Ralzaam a ho hmanh an la duh ti hna lo. Malaysia ram cu an strict ve bantuk in, passport le malay ah umnak ding ah document hmaan a ngei lo mi paoh cu an tlaih dih hna. Kan mah chin ralzaam zong tampi an rak tlaih hna ti kan theih. Malaysia nih a ram ah um a awnh hna lo tikah Kawl Ralkap nih ruah lo piin a tuah bal lo mi cawlcangh nak hi a rak ngei ve. Lung cu a hring ngai ngai.

154,000 Kawlram mi nih hin Refugee sawk ding in Malaysia ah an um ti theih a si. Cu hna cu Chin,Kachin le Muslim Rohingya hna hi an si hna. 1,200 an tlaih mi hna cu Malaysian immigration detention centres ah an chiah ko hna. Kawl Ralkap nih a Ralktuknak Tilawngpi cu an mah rak lak ding ah 21 Feb ah Malaysia phan ding in a timh lamh ti theih a si.

James Bawi Thang Bik, Malaysia Chin Refugees chung in zung lei he pehtlaihnak a ngei mi nih “Malaysia nawl ngei tu hna nih hin UNHCR nawl ngei tu chawn in, Refugees a sawk mi pawl a hmu rih lo mi hna hi tah an kua hna lai maw kua lai lo tiah bia tha tein i ruah hna seh” tiah a duh nak a chim. Kawlram ah an kan kuat dih ahcun Thawng ah an kan thlak lai i a thah hmanh an kan thah lai tiah a chim chap.

Kawlram Ralkap nih mah bantuk in ruah lo piin aa timh lamh tikah hin ruah ding a tam ngai ngai, Thawng zong ah a thlak khawh hna a thah zong a thah khawh hna, sihmanhsehlaw aa tinh mi cu a chim rih lo. Ka raltuknak tilawngpi 3 kawlram mi hna laa tu ah ka rak thlah lai ti long in Malaysia sinah a chim rih. Rohingya pawl cu kirpi aa tim hna lo.

Source:- Reuters