UN Special Rapporteur Nih Kawlram Mipi Caah Cawlcangh Nak A Tuah Lai.

Kawlram mi nih an zumhnak an i tlaih mi le an thinlung tthawnnak ka hmuh tikah hin ka khuaruah a har. An Democracy zong kum no te a si ko nain mah bantuk in Ralkap uknak do khawhnak thawnnak an ngeih mi hi ka khuaruah a har ko.

Ral tha takin a dirmi Kawlram mi hna nih hin nan mah long in nan dir law ti hi thei uh law kan duh. Vawlei cung mi vialte nih an in dirpi ko hna.A lang in kan in zoh ko hna i cawlcangh a herh ning paoh in hi bantuk a hmaan lomi Uknak hrawh ding hin cawlcang kan i tim ko.

Mah bantuk in thil sining hi a rak phak tik ah Mipi an nunnak, le an himnak ding hi biapi ah kan in ruah piak mi hna cu a si. Cu ruang ahcun Tatmadaw cu, keimah le Human Rights Researchers team pawl rak rat in rak hlathlai thlu awk ah Visa rianrang in tuah piak ding in ka chawnh.

United Nations Humans Rights Council zong nih hi thil a cang mi kong ah hin thuk deuh in cawlcangh rih seh tiah chim a si cang. Rianrang in tuah kho zawk hna seh ti hi ka duhnak cu a si ko. Vawlei cung Ramdang hna zong nih hin Kawl Ralkap lungretheih ter ding cawlcangh nak hi an tuah hrim awk a si.

Monday ah Ralkap nih hruaitu le members hna 160 leng an tlaih hna, a cheu cu a thuh tiang in an i thup. Ralkap nih mipi cawlcang kho hna hlah seh tiah internet line hna zong a rak cut dih leng lei he i chawn kho lo ding in. Mipi duhnak an hrawh long si loin ,Pandamic lio a si chinchap ahhin tih a nung ngai ngai.

A phung ning lo in ralkap nih uknak hi aa dinh hrim hrim a herh.

Tatmandaw cu rianrang in Kawlram mi caah Internet line on than dingin ka chawnh,cun a hmaan lo ning in a tlaih mi hna cu thlah dih hna ding in ka chawnh chih fawn.

Kawlram mipi nih mah bantuk a hmaan lo mi uknak hi an dir ter men men lai lo. Sandah piah mi nih daihnak he an nunnak caah le hmai lei a ra lai mi a fale chan caah democracy hmu ding in sandah an piah. Mi a kham tu ding palek hna zong mipi nih ti le pangpar an pek hna i kan lei ah tang uh tiah an ti hna. Mipi lei ah an tan ka beisei ko, kan nih zong mipi lei ah kan tang dih ko.

Mipi nih daihnak le democracy an hal mi hna,Mipi duhnak hi Kawl Ralkap nih an cohlan hrim hrim a hau. Kawlram mipi hna hi harnak an ton lio le an herh lio te ahhin dirpi hna usih.

No photo description available.

May be a Twitter screenshot of 1 person and text that says "UN Special Rapporteur Tom Andrews 11 Tweets Follow UN Special Rapporteur Tom Andrews @RapporteurUn UN Special Rapporteur on the situation of human rights in Myanmar, Robina Senior Human Rights Fellow, Yale Law School; Former US Congressman from Maine; Dad. Joined September 2020 95 Following 4,515 Followers Followed by AAPP (Burma)"

Theihternak:- A tawi fian nak in kan leh mi a si ruang ah kan palhnak a um sual si cun theihthiam dingin kan in nawl hna.