US California Zudawr Meithal Kaptu Pa kong Fian a si Cang



Zahan i US, California zudawr (Bar) i meithal kahnak a tuahtu Pa cu theih a si cang. Zahan Wednesday khan Los Angeles in 65 km aa hlatnak zudawr (Bar) ah meithal kahnak a chuak. Meithal kaptu rel chih in minung 13 nunnak bak a liam. US ram ah hin atu le tu meithal kahnak a chuak peng. Zahan US zudawr i meithal kahnak kong he pehtlaiin US President Donald Trump tiang nih tuarpinak a langhter cang.

Meithal kahnak zudawr Borderline Bar and Grill ah hin minung 200 leng an um. Hi zu dawr ah hin College sianghngkachia pawl nih nuamhnak an tuah. Palik nih an langhter ning ah hi meithal a kaptu pa hi kum 28 upa US ralkap hlun a simi Lan David Long a si ti a si.

Tukum kum hramthok lei khan hi pa hi US Palik thluak lei thiamsang pawl nih a inn i a umtu a dikcak lo caah rak veh bal. Palik pawl chim ning ah hi pa hi angki nak bak in aa thuam i, zudawr ventu a kah hnu ah zudawr ah hin hram hram in a lut. Zudawr um minung pawl a kah hna hlan ah bomb a khumi (smoke grenade) cu a cheh hmasa.

Palik pawl chim ning ah hi misual pa nih hin California state nih a siang lomi 45 calibre Glock semi-automatic handgun le meithal kuan tam nawn aa ken an ti. Meithal kuan zeizat set dah a kah ti theih a si lo nain hi meithal kahnak ruangah minung 13 bak an nunnak a liam.

1991 kum in US meithal kahnak tuanbia a tawinak i langhternak. 

Source: BBC



Be the first to comment

Leave a Reply

Your email address will not be published.


*