US Indianapolis i Kawlrammi Hna nih Duhlonak An Langhter ve Cang. (VIDEO)

Tunai te khan US, Indianapolis i Kawlrammi hna nih biatak tein tutan Kawlram i Ralkap pawl cawlcanghnak kong ah duhlonak an langhter. Tam tak tak an chuak kho. Tutan sandahpiahnak i hruaitu Salai Elaisa Vahnie nih tutan hi a hramthok lawng a si i Kawl Ralkap pawl cawlcanghnak hi phung ning lo a si tiah a chim. An lungtlinlonak cu catar phun phun keng in an langhter. 

Tutan ah US President Biden siseh, UN, ICJ le vawleicung ram dang dang in thazaang petu tampi kan ngei. Kan dirti lai tiah biachimnak zong a ngei. Tutan US khuasa Kawlram mipi pawl nih an lungtlin lonak an langhter hi a sunglawi kho tak tak. An cawlcanghnak Live Video zong a tanglei ah a um lai.

Video a tanglei ah a um lai. Minung tam ngai an chuak kho. Tuni US ummi Kawlram mi nih duhlonak an langhter lio hmanthlak. Kawl ralkap cawlcanghnak an lungtlin lonak an langhter. 

 

Live video ka hin van zoh. https://fb.watch/3qE8RH1j5y/

Relchap: Hakha facang zuartu pawl lungput Uar um tak tak, A luancia ralkap chan bantuk si tilo.

Ralkap nih nawlngeihnak a lak ruang ah Hakha khua chung facang man cu a kai men lai tiah zumh a si nain a kai hle lo tiah February 2 ah facang zuartu hna sin in kan theih. Hi kong he pehtlai in Aa Nawn facang dawr ngeitu Pi Khuang Cer Nawn nih, “Ralkap uknak ruang ah ka facang man ka kai hlei lo. COVID-19 lio zong ah khan facang man ka kai lo.  Phohte ka laknak lei a kai ahcun ka kai ve ko lai. Asinain, atu ka lakcia mi hi cu a kai lai lo. Ka dawr ah hin facang phun ruk hrawng ka zuar. Ka facang man cu tun khat ah Paw-san-hmuai Ks. 70,000, Lung-tuai-hmuai Ks. 65,000, Ka-nan-hmuai Ks. 58,000, Swe-tuu Ks. 30,000, hmaw-bi Ks. 33,000, vok rawl Ks. 20,000 hna an si,” tiah The Hakha Times ah a chim. “Uknak aa thleng ruang ah hin facang man a kai lai tiah mitampi nih an zumh nain kei cu ka kai lo. COVID-19 lio zong ah siseh, 2015 har lio caan zong ah khan facang man ka kai bal lo. Ka facang man cu tun khat ah Lung-tuai-hmuai Ks. 60,000, Ka-nan-hmuai Ks. 53,000, Hmaw-bi le Pale hi Ks. 30,000, Aye-ya-min Ks. 45,000, vok rawl hi Ks. 20,000 hna an si,” tiah MCH zung pawng facang zuartu Pi Men Iang nih The Hakha Times ah a chim. Uknak aa thleng ruang ah Hakha facang dawr cheu khat cu thla khat chung an zuar mi nakin nizaan February 1 chung ah an zuar mi a tam deuh tiah kan theih.