US innsangpi ah Helicopter a Tla i an Buai ngai ngai

 Tunai te khan US i New York khuapi i Building inn cung sangpi ah helicopter a tla. Building inn cung sangpi ah hin Helicopter hi ruahlopi in a tla. Tuni hi New York hi nikhua a tha lo ngai ngai. Chum biatak tein a zing. Local media pawl nih an langhter ning ah minung 1 a thi tiah an langhter. A thimi le aa hliammi belte fiangfai in langhter a si kho rih lo.

Ruahlopi i helicopter a tlaknak builing hi dot 54 bak i a sangmi building a si. Hi kong he pehtlaiin New York Governor zong nih thawngthanhnak a tuah cang. Helicopeter hi building inn cung bak ah a tlak caah mi tampi vansang khuaruahhar in an um. Mi tampi nih building hi an chuah tak.  Helicopter a tlak bak in mei a chuak colh. Asinain mei hi thah a si cang. President Trump zong hi kong hi theih a si cang. Thawng fiang deuh thanh khawh kan van i zuam than te lai.

Source: BBC

Hi kong hi rel chap.

Hlasakthiam Justin nih Actor Tom Cruise a singkhaw.

Zarhpini Sunday khan Vawleicung hlasakthiam minthang Justin Bieber nih vawleicung minta (Actor) minthang Tom Cruise cu UFC ring bantuk i iphomh dingin a zuamcawh (challenge).Kum  25 upa Justin bieber nih  hi Twitter ah fiang tak tak in a langhter. Justin Bieber nih Tom Cruise a zuamcawh cu mi vialte an lau dih. Khuaruahhar tak tak in a um.

Justin nih Tom Cruise cu hi ti hin a langhter ‘ Tom Cruise hi UFC pawl ithuatnak ah phomh ka duh. Tom iphomh hi na duh lo i na tih ahcun na philh kho bal lai lo. Ahodah hi iphomhnak ah hin tawan la lai Dana White’ tiah a tial. Dana White hi UFC chairman a si i a min bak a langhter chih.

Justin nih ca a tial tlawmpal te ah Connor McGregor a van ithalh ve colh. Connor McGregor nih Justin le Tom Cruise a tukforh ning hi a luan tak tak ve.

‘Tom Cruise nih hi zuamcawhnak (Challenge) patling bantuk in a cohlan khawh ahcun Connor McGregor Sports and Entertainment company nih hi iphomhnak hi kan tawlrel lai.  Tom Cruise hi movie aa zeih bantukin iphomhnak ah hin aa langh ngam lai maw? Rak zoh peng u sih‘ tiah a langhter.

Zeiruang ko ah hme Justin nih Tom Cruise hi a zuamcawh hnga ti belte theih a si rih lo. HI kong he pehtlaiin Tom Cruise nih lehnak a tuah rih lo.

Source; BBC

 

Leave a Reply

Your email address will not be published. Required fields are marked *