US, UK le Canada hna nih Myanmar Senior Official hna cu aluling deuhdeuh caah hren/phihnak thar tuah than cang,
United States, United Kingdom le Canada hna nih cun Myanmar ralkap hna nih civil acoyah chuh piak in nawlngeihnak an lakh nu, kumkhat nak nizan ah khan Myanmar ah Senior Official hna cu hren/phihnak thar tuah than asi tiah report ah an langhter khi asi, US Department of the Treasury nih Attorney General Thida Oo, Supreme Court chief justice Tun Tun Oo le Anti-Corruption Commission chairman U Tin Oo hna cu, politics peh tlai nak thil ah, Aung San Suu Kyi case reportnak ah atel/peh tlai nak ngeih ve tiah an ruah ruang ah cun Senior Official hna cu hren/phihthan nak pek khi asi, US Treasury le State department nih Myanmar civil acoyah nawlngeihnak an lak nak kumkhat nak ah mah hren/phihnak hi tuah than asi.
UK zong nih Thida Oo, Tin Oo le ralkap pension cang hna nih acoyah nawlngeihnak an lakh nu ah, election commission chairman asi mi U Thein Soe-hna cu hren/phih nak thar hi arak chauhter khi asi, “United Kingdom le Canada hna he tangti in vawlei ram dang hna zong nih hin, Myanmar mipi kan support zia langhternak ding ah hma lak kalpi asi, ralhrang hna kut tuar in azam mi hna cu venhimnak pek ding in kan zuam cuahmah lai, tiin US Secretary of State Antony Blinken nih nawlchuahnak arak tuah than khi asi, “United States nih minung zalongnak upat piak lo, thazang hmang in mipi tuarter mi hna cu an kalpi peng rih caah, mah hi upadi ninglam he akaih lo caah atu bantuk in mipi covo upat piaknak langhter in, hren/phih asi pin ah Myanmar ram nih mipi khawkhan lairelnak dirter than ding ah ram dang hna he kan tuanti peng lai tiin Blinken nih achim fawn.
Britain Foreign secretary Liz Truss nih Myanmar ralhrang tang ah Myanmar mipi hna cu, lungrethei le thin phang in tuah an tim tiah ati, “Tihnak le thazang hmang in mipi chung ah an cawlcangnak nih hin remdaihnak aphan ter lo caah, UK nih cun right to freedom, democracy le rule of law venhim peng ding in hma kan lak cuahmah lio asi ati, Kan duh ning akan pawmpitu ram dang hna he ralhrang khawkhan lairelnak cu tawpter ding in hma kan lak lai ati, Canada acoyah nih cun kum khat liam cang ah khan ralhrang hna nih Myanmar-mipi diknak le politics pawl cawlcang kho lo in an tuah fawn hna, mah caah cun Myanmar ram zeihmanh thanchonak an ngei lo tiah ati fawn, US-nih an hren mi pathum hna he hren dih an si tiah achim, politics-pawl tlaih in thawng an thlak hna, cheukhat an thah mi hna zong a um, Myanmar mipi security dirhmun hi achia tuk hringhran khi asi tiah Canada nih cun achim chih.
US nih hin ralhrang hna an hren pin ah Myanmar ram ralkap support tu hna le tangka bawm mi hna, sumdawnnak ngeih mi hna, company-hna ralkap lei bawm mi hna tiang, hren/phihnak atuah piak dih khi asi, An mah chung ah hin KT Group CEO le KT Group subsidiary KTSL-a director si fawn mi, Jonathan Myo Kyaw Thaung, pin ah Myanmar ralkap cu meithal le hriamnam dang dang pek tawn mi company tampi ngeitu Tay Za hna an tel, mah hna an hren mi hi US-ah tangka le thil ngeih mi hna cu, tongkhawh lo ding in hren pia kasi, America mi hna cu sumdawn pi ding le tuanpi lo ding in nawl ansi fawn.