US ummi kan chinmi mino Meithal ai put/a ngei mi hna ca theihternak. (A Herh Tuk Mi)

US a um mi kan laimi chung hrim hrim in hi bantuk in hin Meithal ruangah tlaih khih le taza cuai a tong mi an um pah tawn ruang ah mipi nih theih ding in theihternak an tuah mi hi a ttha tuk. Nan hawi le nan chungkhar theih a herh ding an um cun rak share in rak chim ve hna uh.

THEIHTLEI: Indianapolis Chin ngakchia nih an ton pah lengmang mi case phunkhat.
License ngeih lo in meithal an i put ruang ah cozah nih “Carrying a Handgun without a License” ti mi a hmuh in taza an cuai tawn hna. Mah a hmuh hi “Class A Misdemeanor” asi i a tam bik kum 1 le tangka $5000 tiang dantat khawh asi. Asinain, mah a hmuh in dan an tat bal mi, a voi hnih nak mah a hmuh in taza an cuai mi asi ah cun “Level 5 Felony” a si. A tlawm bik kum 1 in a tam bik kum 6 tiang, cun tangka zong $10,000 tiang dantat khawh asi.
Mah ruang ah Chin mino te te an record ah “felony” a um i a poi ngai. U.S. cu “felon” si cang ah cun rian lei le a dang dang kong ah a buai ngai.
Meithal ngeih ah cun license ngeih chih ah a ttha bik ko. Handgun license sawk na duh ah cun https://www.in.gov/isp/2829.htm chung ah sawk khawh a si.
A cung upadi tam deuh in theih na duh ah cun https://codes.findlaw.com/…/in-code-sect-35-47-2-1.html
ps: legal advice asi lo—theihtlei sawh sawh

Crd:- Harmon Lian