USA cu ngaihchia tak tak a si cang ko.

Coronavirus ruangah vawlei cung pumpi cu harsa le lungrethei in kan um dih. Kan rian tuan le kan sianginn kai zong tampi a kan thih dih cik cek. Sibawi pawl nih si zong an ser cuahmah hna tu kum chung tal ahcun a dih cang lai tiah ruah  asi nain Ram cheukhat ahcun a zual chin leng mang ko.

US Dr. Anthony Fauci nih hi ti hin a chim. US um mi hna nih hin 2022 tiang Mask i vuah in coronavirus Sandah an va piah hnawh a hau te lai tiah a chim. Interview an tuah nak ah Dr. Anthony Fauci cu US um mi hna nih hin Mask hi zei tik tiang dah an i vuah a hauh rih lai tiah an hal tikah, Saupi a herh rih lai, Mask vuah lo in um hrim hrim lo ding, Mask vuah lo ahcun Covid-19 hi khuaruah har in a karh thluahmah rih lai tiah a chim fawn.

Covid-19 Pulrai zawtnak in US ram chung ah hin 500,000 bak an thi cang. An tam kho tak tak. Hi ruang ahhin ttha tein pumpak cio nih i zoh khenh lo ahcun Covid-19 ruangah a thi mi hi US chung long in million hmanh an phan te lai ti ruah nak a um. Dr. Anthony Fauci nih a chim ning cun 2022 tiang hmanh ahhin covid-19 pulrai hi a dih lo kho men tiah a chim.

Ref:- News18