Vailamtah kum 1,200 a hlun cang mi Pakistan ah an Hmuh!

Khrihfa ram zong a si lonak bak ah Vailamtah Kum 1,200 a hlun cang mi an hmuh. Hi vailamtah hi pakistan ram Himalaya tlang ah an hmuh mi a si.

Hi Vailamtah an hmuh mi hi Lungvar /lungraang in ser mi a si. An hmuhnak hi Karakoram tlang cung i a um mi Kavardo timi khuate pawng ah a si. Kavardo Vailamtah ti mi, Kavardo i an hmuh mi Vailamtah cu a tung 2.1 m a si i a vaang hi 1.8 m a si. A rih hi 3 le 4 tons kar lak a um ti si. cu cu kg 2500 in kg 3500 karlak a rit tinak a si.

A hmutu hna le hlan lio thil a zoh tu hna nih an chim ning cun, hi Vailamtah hi kum 1,200 in kum 1,400 karlak a hlun mi a si cang tiah an chim. Tha deuh tein zeizat kum dah a si cang ti tha tein kan hlat lai i, a kum dik ciah ciah chim khawh kan i zuam lai tiah an chim fawn. Hi Vailamtah an hmuh nak hmun ahhin a tu lio ah cun Khrihfa pakhat hmanh an um lo ti theih a si. Sihmanhsehlaw hi bantuk in Vailamtah kum 1,200 a si cang mi an hmuh tik ah hin, A hlan lio ahcun hi ka hmun ahhin Khrihfa an rak um bal ko ti fiang tein a langhter.

Source:- Christian today