Vawlei cung ah thawngbik cem data speed cu 5G nak in a let 100,000 in thawng ngeih le hmuh chuah asi cang,
Vawlei cung ah thawngbik cem data speed cu 5G nak in a let 100,000 in thawng ngeih le hmuh chuah asi cang,
Japan researcher hna nih cun vawlei cung ah data speed thawngbik cem, an hmuchuak cang tiah arak phuang, atu ah vawlei nih ahman cuahmah lio hi 5G asi, mah 5G nak in a let 100,000 in thawng asi tiah chim asi, Data transmission lei ah vawlei ah record thar ngeih mi nih hin, second khat ah gigabyte (GB) 125,000 a let in, km 51.7 nak hlatnak ah a kuatchuak khawh dih fwan tiah tar lang asi, A turu tuk ding khi asi, Japan mithiam hna nih hin standard hardware hmang in data transmission-ah world record hi an tuah cang asi uar a um bak ko Japan mithiam pawl technology thiamnak hi arak men lo.
National Institute of Information and Communications Technology (NICT)-ah Network Research Institute nih cun normal cable he match/irem ding ah optic fiber hmang in – second khat ah petabit (PB) 1.02 le second khat ah gigabytes (GB) 125,000 nak in tlawm lo data kuatchuah khawh hmasak bik an tlamtlinter cang tiah cathanh ah an tarlang fawn cang, NICT ah hin transmission system hi standard 0.125mm cladding diameter ngei fiber hmang in an tuah mi asi, mah hi ‘ultra-high-throughput optical link tlamtlinternak lam ah, hmalaknak lian tak mi asi, Can tlawm pal tec hung ah hman khawh ding ah, cabling technology um cang mi hna he match/iremh tein hman khawh cawlh fawn cang lai.
Mah system ah hin second khat ah 1.02 PB cu 51.7km-ah a kuatchuak khawh tiah, NICT nih cun an tarlang dih cang, December 2020 ah khan non-standard equipment hmang in world record anrak tuah cang fawn, NICT ah hin an data transmission record tarlannak paper cu International Conference on Laser and Electro-Optics (CLEO) 2022-ah hin pek cang in, an thil hmuhchuah nak nih hin vawlei mithiamhna lung akhenh bak ko cang khi asi, atu ah hin mithiam hna nih mah tluk thawng le tha Internet thabik data speed cu anrak ngaih ven ngai ngai cang hna khi asi.
Tu hlan ah vawleipi nih kan hman lio data speed 5G hmanh hi South Korea nih an hman hmasa khi asi, mah data 5G hmanh hi South Korea ram chung ah cun thawng bik cem arak si pin ah, India hna nih an lak ve ko nate in an mah Korea ram bantuk cun athawngtuk lo khi asi, atu ah Japan nih data speed thawng bik cem anrak hmuhchuah than mi cu lawm umtuk khi asi, data speed ah cun vawlei cung ah record tuahtu arak si fawn Japan mithiam hna le researches hna zong an ropi ngai ko.