Yangon Ah Kan Chin Pa Khualei A Tlun Lai Te Ah Tlaih A Tong!

Yangon Chin mino Salai Za Tling Luai cu March 8 zanlei 5 hrawngah lamzawhnak ah haotu a si ti’n sual phawt in tlaih a si

May be an image of 1 person and standing
A nih hi Kalaymyo Tahan tlung ding an si i an tlunnak ding mawtaw hngak in lam kam ah an dir, cu an dir lio ahcun palek nih an tlaih hi a si.
Amah hi Falam peng (Zo Dihai) khua i Pu Vai Lian Sawm i fapa pahnihnak a si i Yangon ah chungkhar ngei in nupi le fa le he khuasa mi a si.
Kan ti khawh tawk thlacam nak in bawm cio hna u sih tiah kan in sawm hna.

Crd: Chin Post

Relchap: Ralkap An Sual Khoh Ning..NLD member hna pakhat hmanh nganh an tim hna lo.

Tuni bakah Kawl Ralkap/Min Aung Hlaing ralhrang hna nih NLD member 4 bak an va tlaih hna ti kan theih. Daw Aung San Suu kyi lei a ttang mi paoh paoh pakhat te hmanh ngah duh ti bak lo in tlaih thluahmah cang ko hna. Hriamnam lei in Mipi nih tthawnnak ngeih ve lo cu a rak poi ko mu.

May be an image of 2 people and people standing

Kojama le Aung San Suu Khyi

Tu ni ah Kawl Ralkap hna nih NLD member 4 hna cu zaan suimilam 7 ah an tlaih hna. Mandalay district in Financial secretary a tuan mi U Tint Swe , Maha Aung i financial secretary a tuan ve mi U Myint Soe le U Nging chain soe cu ralkap nih tu ni ah an tlaih hna. Pago lei zong in NLD member si Ko Jama an tlaih ve tiah Khit Tiht Media nih a chim.

Crd: Khit Thit Media

Relchap: Tuni Hakha mipi lungrual nak le lungtthon nak nih Ralkap an tei hna. (Uar An Um Kho Tuk Ee)

Lungrual cu teinak a si timi bia hi tuni ah hakha mipi hna nih an tlinh bak. Tu zing ah Ralkap nih Hakha khua chung ah lut in ram le mipi lei he ppeh tlaih in rian ngei mi pawl an tlaih hna ti kan theih. A bik in mipi nih theih mi Dr. Ngun Cung Lian zong tlaih a rak tong.

Hakha Mipi hna nih lunrual le lungsau te in Dr. Ngun Cung Lian cu thlah hna seh tiah an va um hnawh hna. Ralkap nih Dr. Ngun Cung Lian an thlah hlan lo kan kaltak lai lo ti bakin mipi nih i pumh in an um hnawh hna. Mipi cu an lungre a thei kho tak tak ko nain, Lungrual le lung tthawng tak in an hngah i Nihin March 9 Hakha Pyidawthar sang zinglei sang i an tlaih mi Health Concern Volunteer Group riantuan (CDM tuahmi) sii lei thiamsang Dr. Ngun Cung Lian cu 6:15PM tluk ah an thlah than cang.

May be an image of 2 people, people sitting, people standing and outdoors

Hi bantuk in hakha mipi hna nih lungrual tein an dirnak kan hmuh tikah ahhin hmunkip in a um mi vialte lawmhnak in an kan khah ter i, kan lung zong an tthawn ter deuh fawn. Uar an um kho tuk.

May be an image of 3 people and people standing

CCPR zung i an tlaihmi pakhat bel an thlah rih lo. Thlacamnak in bawm cio rih hna usih.

Crd: The Hakha Post.