Zaan tlai ah Mifir le Damiah bang in an tlaih hna, lung a fak ko!

Zaan tlai ah mifir le damiah bang in an tlaih hna lung a fak ko. 

Feb 11.2021 zantim 12:00am ah
Kapa Pu Lian Hre(District Commissioner) cu ralkap zung nih an rak auh bia hal kan duh an ti i an kal pi tiah Milley Sui nih a facebook ah a rak tar.
Ralkap uhnak tang nawl ngeitu nih tuzan Thlantlang thimnak Comission zung chungtuan Salai Khin Aung Ling @ Sang Sang le Hakha Comission zung haotu Pu Thla Kio Lian an tlaih hna tiah kan theih.
Thantlang in an tlaihmi hna zong Hakha lei an ratpi hna.

May be an image of one or more people and people standing

Kawlrawn lei ah thimnak Comission riantuantu tampi an tlaih cang hna tiah kan theih
Hakha Pengkulh (Hakha District) UEC Comissioner (Ayasih) Daw Cho Khine Oo zong 1:05 am tluk ah palek nih an kalpi ve tiah kan theih.
Palek nih atu bantuk in an tlaih hna lio ah ralkap nih motor pakhat in an zulh ve hna nain ralkap cu a leng lawng in an hngah hna i innchung tiang cu an luhhnawh hna lo tiah kan theih.
Falam peng UEC chungtuan (Oosi) Pu San Thang zong palek nih biahal ding kan in ngei tiah zantim 12:30 am tluk ah an tlaih tiah kan theih
Chin ramkulh pengkomh (district) pali in UEC Oossi hna le Peng (Myone) pakua in UEC pakua cu palek nih an tlaih dih cang hna tiah thawng kan theih.
Hakha pengkom UEC haotu le Hakha peng UEC haotu zong tlaihmi ah an i tel ve i cheukhat pengkomh le peng in UEC haotu zong an tlaih ve hna tiah thawng kan theih. Mah thawngpang hna hi zing lei 2 ah kan theih mi hna an si.

Ref : The Chinland Post