Aircraft Engineer Bak A Simi Laipa, Salai Andrew Nih Ramkhel Kong A Chim Mi Cu A Mak Law Law.

Biaknak le miphun min ibunh ttung i miphun pi a huap lomi ramkhel hi ka dir pi lo: Salai Andrew.

Laimi chungin bochan ngaimi Aircraft Engineer bak a simi Laipa, Salai Andrew nih cun hi ti hin a langhter. Biaknak le miphun min ibunh ttung i miphun pi a huap lomi ramkhel hi ka dir pi lo. I don’t support the politics based on religion and narrow-minded nationalism. ဘာသာရေးနှင့် ကျဥ်းမြောင်းတဲ့ လူမျိုးရေးကို အခြေခံတဲ့ နိုင်ငံရေးကို ကျနော် မထောက်ခံပါ။, Biaknak le miphun min ibunh ttung i miphun pi a huap lomi ramkhel hi ka dir pi lo.;- Miphun khat si ruang ah miphun minbunh party ttanh hrim ding timi hi adik tiah ka ruat lo. Cu party ttanh lo ruangah miphun dawt lo ti mi zong hi a tenau mi ruahnak asi. Boruak sining le chan tiluan ning in khua hi ruah ahau.

Atu lio ah cun NLD party lawng hi kan chunmang saduhthah lam a sial kho tu an si. Kum 5 hngakchia NLD cozah hi primary class akai lio mi te asi. Cozah lutlai tampi hi ralkap cozah dengteo in rak doh ruangah thawng inn ah caan sau pi khua arak sa mi an tam. Fimthiamnak le hngalhtheihnak an chan bau kho men.

Hmuhtonnak (experience) an ngei lo kho men. Asinan thawngtlak ngamh in ram le miphun adaw mi dakaw an rak si. Hihi kan philh lo ahau. Phunghrampi remh dih hnu le Federal hmuh dih hnu ah miphun minbunh party cu tha kan pek te hna lai. Central control a tthawn tuknak NLD party zong khi tik ah cun a tha a der te kho men. Kum 5 chung ah rampi huap le Chin ram caah an thil ti khawhnak atam lengluang ko.

Chanbau le thader ciocio ah ralkap cozah le NLD cozah an i dannak cu khua aruat kho poh nih theih asi. A ril mi hngakchia cu a thawh tthan bang NLD cozah nih aliam cia an chanbaunak kha fimcawnnak ah an hman lai i hmai lei kum 5 ah a mak deuh mi cozah an ser hrim lai. Mi zapi nih huham kan ngeih bik caan le thil kan ti khawh bik caan cu thimfung thlak caan hi asi. Ni 5 te lawng aa duh cang. Kum 2020-2025 caah rampi huap in NLD a tthawn rih ahau ko. Atu tan zong NLD ah thimfung thla rih ko hna usi. Siaherhnak he,Salai Andrew Bawi Sang Lian,02 Nov 2020.