Bible Sianginn Professor Tom Meyer nih Corona hi Caan Donghnak Ding Hmelchunhnak a si a ti Bak Ko Cang

Corona Virus nih kan vawleipi a chuahtak khawh tilo tik le, tutiang Virus thatnak sii an hmuh khawh rihlo tikah Mi tampi cu an lungrethei le vansang in an um. Mitampi nih hithil cangmi hi kan vawlei dawnghnak ding hmelchunnak si ko lo maw tiah an ruahning le zumhning an chim cang. Pathian thawngtha chimtu Evangelist le pastor minthang hna zong nih kan vawlei caan donghnak kan phan zuahmah cang tiah an zumhning an phuan cang.

An ruah ning le hmuhning ahcun kan vawleicungah thihnak le rawhralnak chuahpi tu tamtuk arak phan cang. November 2019 in a thawhmi Corona virus nih vawleipi a cul i, minung tamtuk an thih cang. Tuni tiangah zawtnak nih niam lei a panh fawn lo. hi thil asi caah zumtu cheukhat nih cun Minung hna caah rawhralnak caan a nai tuk cang, kan vawleipi a dawng deng cang tiah an zumhnak an langhter.Novel corona, Wuhan khuapi China in a thawk mi nih hin minung 99 million sinah faknak le zawtnak a tlunter. Minung tamtuk an thi fawn.

Mitampi nih Bible nih a rak chimchung bia a phan cang tiah an zumhning an chim.Shasta Bible college professor Tom Meyer, Bible a byhearth dih tiah an chimmi pa nih cun Thianglawr a phak nak ni le caan kan phan deng cang, cu ni le caan kan phanh nak lai Nazi ban a hermi zong a dong deng cang” . “Covid-19 nih vawleipi caah hneksaknak a pek cang. A ni le caan kan phanh tikah cun krihfa hna cu vawkhat ah kan lo dih te lai. cu ni le caan ah cun Ram phunkip an buai lai, lockdown nih a zulh lai, Sipuaizi a buai lai. Krihfa le zumtu tha hna vawlehkhat ah an tlau dih dingmi hi Bible zong nih fiang tein arak chim chung bal.

Cu cu thianglawr vawikhatnak asi. Thessalonians 4:13-18″ tiah Express.co.uk sinah a chim. Meyer nih cun Jesuh rak rat than vawi hnihnak cu kan vawleipi nih harnak fak tak tak a tawn kum 7 liam hnu ah asi te lai. kan vawli nih harnak a tawn dingmi cu LIHNIHNAK. TLANG KANG, LE TILIAN te hna an si. Jesuh aha  thi mi hna cu an tho hmasa lai. Cu dih cun  vawleicung thlan vialte a awng lai i, kriuhfa hna cu jesuh krih sinah kalding in an tho than lai. A nungmi krihfa hna cu vawleicung in vawilehkhat ah an lo lai. cutikah cun zumlotu hna cu khuaruahhar le vansang in an um te lai” tiah a chim fawn.