CNLD Doh Hi Miphun Dawt Phun Khat A Si Ve Tiah Ka Ruat.

Mizapi nih an ka cohlan ahcun’ kan ram le miphun caah ka sining dihlak le ka caan dihlak pek in ramrian tuan awk ah July 25 ah biachahnak ka tuah. Ka chawva tiang a herh ning pek ka rak i tim. Nain Nov 8 ah mipi nih an ka cohlang lo. Keimah pumpak caah cun ka sung tiah ka ruat lo.

Thimnak ka luh lio ah kai tinhmi pahnih: 1nak: keimah teinak ngah in eihmuar doh, fimcawnnak lei thlen, JCB zong cawk in thanchonak tampi tuah, kum 40 chung ramrian tuan in CM tiang va tuan te ding khi kai tinhmi cu a si.Mipi nih an cohlang rih lo.

2nak: kan miphun le ram caah tihnung tiah ka ruahmi party CNLD sunghter ding hi a biapi taktak ah ka chiah fawn, aruang cu CNLD phu an lungput le an biachim(Suu Kyi tiang an thuatmi) ka zoh tawn tikah kan miphun buaiter khotu an si tiah ka ruah caah anmah doh hi miphun dawt phun khat a si ve tiah ka ruat. Ka doh hna i an sung cikcek ve. Ka hlawhtling.

#Mee thencheu duh menmen ah thimnak ka lut lo, ka miphun ka dawt tuk ve caah ka miphun caah riantuan ve ding thimnak ka luh kha a si. Ka miphun i a ral tiah ka ruahmi CNLD party doh ding zong kai tinhmi pakhat a si chih.

(Mah capar hi van rel chap) Trump thazaang petu hna cu an um sawh sawh kho ti lo. Meithal voikhat kah ah tampi dong lo i khah khawhmi meithal phun in vote thlaknak hmunhma bak ah an um cang. Trump thazaang petu hna hi Vote thlaknak hmun Election center Phoenix, Arizona ah lungtlinlonak an langhter. Lungtlinlonak an langhter pah hin meithal hi an i put pah. US phunghrampi nih meithal neih hi cu a sianmi a si. Asinain a herh lo ah minung kah belte cu thongthlak a si ve.

Make America Great Again timi lukhuh le meithal he bak an um. Tutan Biden le Democratic Party pawl cawlcanghnak ah an lung a tling lo ngai ngai. An lung a fak cio. Meithal kahnak ngai ngai cu a chuak rih lem lo. Tutan US ithimnak hi cu a buai ngai ngai. Zeitik caan paoh ah buainak nganpi zong a chuak kho ding dirhmun ah a dir.

Media nih Biden teinak a hmuh cang tiah a thanh cuahmah lio ah Trump cu lungdong loin hmailei a phanh cuahmah cang. Trump nih hin Election i Biden he an i cuhnak hmunhma biapi tak takmi le Vote dik lo thlaknak hmun hna hin taza a cuai cuahmah lio a si. Zeidik a lawh te hnga.

Cun Trump zong nih tunai te khan thawngpang tha tak tak a van kan thanh than cang. Lungrethei in Trump a tanhtu hna kan um lio ah hibantuk in Trump nih thawng a van thanh cu a sunglawi kho tak tak. Trump nih tu nai te khan ‘ We Will Win” tiah a tial ko. A sullam cu ‘ Kan Tei Lai’ tinak a si. A chim duhmi cu US President ka si than lai a ti duhnak khi a si.

Tulio hi Trump le Biden karlak ah aho deuh dah US President tuan lai ti lawng bawh cio a si. Media kip nih Biden cu US President ah an phuan cang. Hi lawng siloin ram dang dang hruaitu hna zong nih lawmhpinak ca Biden hi an kuat cang. Trump nih Biden hi vote diklo ruangah US President ah ka cohlang kho lo tiah a chim i Dik tein vote hi rel a si nak lai biatak tein a cawlcangh lio pi a si. Court fa deuh in nganpi tiang biatak te i rianttuan dingin aa zuam lio a si. A chim thanmi cu ‘ Kan thil tuahmi ah tampi thanchonak kan hmuh.Hmaizarh lei ah aphi (result) a rak lang te lai. Make America Great Again tibak a langhter.