Covid-19 khamhtu si {vaccine} hi micheu ca ahcun amah Coronavirus nak hmanh in ttihnun deuh dawh a si ttung (By Pastor Hram Bik Lian)

Covid-19 khamhtu si {vaccine} hi micheu ca ahcun amah Coronavirus nak hmanh in ttihnun deuh dawh a si ttung (By Pastor Hram Bik Lian) :Israel ram ah Covid khamhtu si an i chunh hnu in minung 13 an hmai a zeng. India ram ah Covid khamhtu si an i chunh hnu in minung 2 an thi {vaccine ruang zong si kho} i a dang minung 5 cu ceizual ngaingai in an um.

Minung fimthiamnak nih a tuah khawhmi thil cu minung caah “Khamhtu” taktak an rak si kho lo; micheu caah hrawktu lehlam an rak si! Hi pulrai chung in a kan khamhtu ding ah, Vaccine zong i hi 100% in bochan awk a ttha hlei lo. Taksa caah siseh Thlarau caah siseh a zungzal in kan “Khamhtu” caah 100% i bochan awk a tthami cu Jesuh Khrih lawnglawng a rak si ko hih. Jesuh lawng kan damnak! Source: Pastor Hram Bik Lian

Relchap:- Chin ramkulh Cozah riantuanmi lakah kaa lunghmuih bik mi.

Kum 5 chung kan tuan mi rian hi pakhat hnu pakhat chim ahcun a tampi ko nain naupawi le nu bawmhnak kan pek khawh mi hna hi kaa lunghmuih bik, tiah atulio Chin Ramkulh Cozah Social Affairs Minister Pu Pau Lun Min Thang nih January 15 ah a chim.  “Kannih rian cu zaatlang riantuannak a si bantuk in zaatlang thanchonak rian cu ahopoh nih an rak tuan cang i ahopoh nih an pehzulh thiamthiam ko lai. Amah belte, amin zong kan theih bal lo mi le voidang ah a um ballo mi nu hna nau an pawi ni in a nu siseh, a pawi mi fa siseh, thla khat ah Ks. 15,000 kan bawmh mi hna hi kaa lunghmuih tuk. A ruang cu Chinmi cu sifak kan si i sii-ai cawknak hmanh ah a harsa mi kan si. Thla khat ah Ks. 15,000 hi a tlawm mite alo nain a vun i khon ahcun kum 2 tang ngakchia le a nu ca ah a thahnem tuk mi a si,” tiah Minister Pu Pau Lun Min Thang nih The Hakha Times ah a chim. Minister Pu Pau Lun Min Thang cu ZCD party in Minister a tling mi a si i 2020 November 8 thimnak zong ah teinak a hmu than mi a si. Amah zong nih, “Daw Aung San Suu Kyi nih hin Tlangcungmi a kan papek ngai ca ah Minister pakhatkhat dirhmun hmuh khawh than ding hi kaa ruahchan ko,” tiah The Hakha Times ah a rak chim bal. Source: (The Hakha Times)