Dr.Aung Myint Thang Nih Mah Ti Bak Hin Trump Le Biden Kong Cu A Chim Ve Cang.

USA ELECTION KONG AH BIAHALNAK. USA ah a um i thil a theimi nih rak ka let kho ulaw kai lawm hnga.

1. November 3 ah USA election cu tuah asi i USA ah state 50 a ummi lakah state 44 cu vote result hi vote an peek dih tlawmpal bak ah ai fiang cawlh. State paruk asimi Arizona, Nevada, Pennsylvania, Georgia, Michigan le Wisconsin i vote an peekmi result vial zecadah a zarh in a rauh hlei?

2. Hi result ai fiang lomi state paruk ahhin vote hi mi tampi nih carek (postal office) in an peek caah, cu ca pawl cu an hngah pah caah an rauh deuhmi asi kho men. Zeicadah state dang vial ah carek in vote a thlakmi an um ve lo maw?

3. State dang vial ah zeicadah carek votemi cu an hngak ve hnga lo? Carek votemi an um hnga lo maw?

4. Zeicadah hi state paruk lawng ah carek in vote thlakmi hi a tam khun hnga? Swing states lawng nih maw covid cu an ttih i postal service cu million nih an hman hnga?

5. State 44 i vote result vail va chuah colh i state 6 i vote vial a result zarh khat hnu i i fian cu ka khuaruah a har ngai. Hi state paruk le state dang voting system ah zeidah an i dan nak asi?

6. Hi state pawl vial i million bak i carek i va kuat tung hna i state dang vial carek ca hngakvding zong um lo cu a mak bak. Hihi USA lei nih teh na ruat ve maw?

7. Trump nih Biden cu election ah hrokhrol ai tel bak lo timi na langh ter khawh ahcun president cu kan kianh ko lai a ti. Trump tu nih teh hrokhrol ai tel nak a langhter kho ve lo maw? Biden nih langhter lo in amah nih langhter selaw hmual a ngei deuh hnga lo maw? Hrokhrol ai telmi langhter cu a fawi, a tel lomi langhter cu a har. Um zia a ngei lo ngaimi asi.

Credit : Aung Myint Thang