Dr.Rual Uk Nih Aung La Nsang Nak In Ridder Ka Tanh Deuh Ti Bak Ko.

Dr.Rual Uk nih Aung Lah N Sang fak Tak Tak in a Phomh:- Aung lah n sang hi tatoo aa suai bakmi pa a si. Annih pawl hi an i thuat lai paoh ah angki phoih dih a si tawn i an lang viar tawn. Bawngbi te lawng he an um caah an taatoo pawl hi a lang dih. Aung Lah zong taatoo a suaimi pa a si. Hi kong he pehtlaiin biaknak lei i bochanmi kan pa pakhat Dr.Rual Uk nih fak ngai in Aung Lah N Sang a Phomh. Aung Lah a sunghmi hi kaa lawm tuk hna a ti.

Nizan tihni Aung La N Sang tthuat zoh cu a zohtu mipi le kawlram mipi zong kan i ruah lo ning pi in Aung La a sungh tikah a zohtu mipi zong a fans pawl zong ngaihchia ngai le lung nuam lo taktak in a/an kan chiah tikah amah Aung La N Sang zong nih a ra laimi ahcun thazaang a ka petu mipi le ka fans hna caah a ttha bikin ka zuam lai,”tiin biacahnak le thazaang peknak bia cu a chim.

Mipi tam pi nih Aung La sungh cu kan rak celh cio lo, asinain lente celhnak si caah tei caan um lai i sungh caan zong a um ve awk hrim hrim si. thazaang pek tu kan rian si ko seh. Nai Aung La sunghnak kongah Laimi nih thlarau lei ah kan pa bik tiah kan i bochan ngaimi Dr. Rual Uk nih Aung La sunghnak cu a tanglei bang hin comment ah a pek.

Dr. Ruak Uk comment: Umhar phen ah ka hei zoh tawnmi cu i thongh le i sual hi a si i an taksa ah tattoo ai sual lomi paoh hi ka ttanh hna, cu i tattoo ai sualmi paoh hi sung hna seh ka ti i zahan zong tatto ai suai lomi pa nih ai suaimi pa Aung La cu a tei i kai nuam ngai. Zeicatiah tattoo suai hi Baibal nih a duh lo. Tlangbawi sinak (Leviticus) 19:28″ Dr. Rual Uk.

A tanglei hi mi pakhat nih Dr. Rual Uk comment in a halmi si.”Evan Rual Uk- Saya mah kaa bible ca caang hme 27 nak nih a chim duh mi hi rak ka fianh law cu ka duh ko. cun 28 nak i “mithi hna ruangah” a ti mi zong hi ka fiang lo e. Levitikas 19:27 Nan beT sam nan i met lai lo, nan khahmul zong a par nan riam lai lo. Levitikas 19:28 Mithi hna ruangah nan taksa zeihmanh i at hlah u, nan pum cungah a tịal zong i tịal fawn hlah u: keimah cu Bawipa ka si.”

Aung La N Sang taatoo khi van zoh tuah, a taksa a khat dih ve ko hi ta. Aung Lah hi khrihfa a si. Tattoo aa suaimi hi Bible he kalh in maw a um ti belte biaknak lei kan pa le deuh nih an theih men lai.