Iran Supreme leader Ayetollah nih a duh poh a chim khawh lio ah Trump belte cu Thongtlak Bantuk a Si Cang

US capitol luhhnawhnak nih cun vawlei mipi a lauter tuk hna kan ti ahcun kan palh tuktheng lailo dah. Ram kip mipi zong US kong ruatlo cun an um kho hrimlo. Kan nih Laimi chung zongah US thimnak nih cun lii hninh bang an kan hninh ve, ho nih dah teinak hmu lai tiah thimnak an tuah hlanin kan ceih i, thimnak a hung dih tikah Biden nih teinak a hmuhmi cu a cenet lo tak tak mi Laimi chung zongah kan tampi lai timi cu zong cia asi. Tutan US thimnak tlukin a buai deuhmi hi US tuanbia zoh tikah a um thenglo.

Jan 6 a hung si. Presiodent caah fehternak an tuah bakin Trump tanhtu pawl Washington DC khuapi kawtthler ahummi hna cu an i sum kho tilo. US capitol bak cu luhhnawh in buainak fak tak tak an ser cawlh. Zeiruangah dah hi bantukin buainak an ser timi cu chim hauloin kan theih cia dih asi.Trump nih a mah tanhtu le dirpi tu hna sinah thawngzam bantukin a hmanmi facebook le twitter nih cun trump an phihkhar cang.

Hi kong he pethlaiin company lei nih cun US mipi caah tihnung le ral tho kho ding bia a chim, kan policy  a kalh tiah a ruang an thanh. Trump nih twitter le facebook a hman khoh tilo tikah a fawinak in kan chim cun Trump cu cawl kholo bakin an tuah kan ti cun kan palh tuk theng lailo. Twitter hi vawleicung hruaitu hna nih an hman ngaimi social media pakhat asi. An policy, lungchung chuak bia, duhning le ruahning hna cu mah media hmangin an ram mipi sinah an chimphuan tawn. Twitter nih trump phihkharnak atuahmi hi cu ruah citmat cun a dik baklo. A ngai ngai kan ti cun Trump nakin a zual deuhmi vawleicung hruaitu hna lakah an tampi. Biachiakha tak tak tialmi zong rel cawklo an si. trump phihkharnak an tuahmi hi cu thleidannak a um hrim hrim ko. Trump twitter account phihkharnak an tuahmi kong he pehtlaiin Lindsey Graham zong a sum kho bak lo. Lindsey Graham nih cun trump account an khar piakmi cu “serious mistake” tiah a lungtlinlonak a langhter. Iran supreme leader Ayetollah nih a duh poh a chim khawh lio ah trump belte nih cun a chim kho ve lo tiah Twitter company a thuat hna. Credit: Graham tweet