Lai mi Voksa Thau Ei Zuamnak Video

Hi bantuk Sa ei zuamnak tuah hi a tha tiah na ruat maw? Laimi nih thil kan tuahmi hi a phun a tling. CND le miphun tonpumhnak ah hi bantuk sa ei zuamnak hi hlan lio tein kan hman tawnmi a si. Miphun nih a thil tuahmi hi hlawt dih awk a tha tawn lo. Vawleicung ram kip i miphun dang dang hna zong nih thil phundang tak tak an tuah tawn ve ko. Africa miphun hna zong nih miphun dang nih an tuah bal lomi thil an tuahmi a um ko. Vawleicung mifim (Scholar) le mithiam tampi an ruahmi cu miphun dang cio nih an tuah tawnmi thil Custom and practice hna hi va soi awk a si lo tiah ti tawn a si. Cucaah hibantuk thil hi a dihlak i hlawt awk a that dih lo caan tampi a um. 

Asinain vawleicung thanchonak (globalization) nih thil tampi a thlen ve. Hlan lio i miphun nih an tuah tawnmi thil tampi an hlawtmi a um ve. Cucaah Laimi nih miphun tonpumhnak i kan hman tawnmi sa ei zuamnak hi thil tha tiah na ruat maw asiloah hi thil hi cu hlawt a hau cang tiah na ruah? Ruahnak tampi a um lai asinain nang nih teh zeitin na ruah.

A tanglei video hi The Hakha Post nih 2016 kum CND i Sa ei zuamnak an tuahnak video  asi. Zoh a nuam kho tak tak. Hi thil hi tuah rai a si maw si lo na ruahnak van langhter ve tuah. Comment rak pe ve tuah. A cheu nih hi thil hi ngandamnak caah a tha lo. An chung a tlet dih lai tiah comment an pek ve. 

A tanglei ah video a um lai. Rak zoh ve tuah. Na ruahnak comment in  van langhter ve tuah.

Credit: Bik Lian

Leave a Reply

Your email address will not be published. Required fields are marked *