Mah Thil Hi Nizan I Cang Mi A Si

Mah caku hi nizan i Mizoram thil cang mi a si i, mizo fb group i an post mi ka vun lak mi a si. Mizoram ah hin thil mak tak tak hi a cang ve lengmang i, ram dang thawngpang ttha lo tak tak kan theih mi Mizoram Kristian 100 ah 100 tinaak ram ah a cang lai ti kan ruat bal lomi zong a cang mi tampi a um fawn cang, khuaruahhar ngai ngai khi a si ve.

Mah caku Mizo fb group pakhat i an post mi hi a mak tak tak. A ruang cu caku i ai ttial mi nih khin mi tampi khuaruah a harter. Mah caku i ai ttial mi hi Mizo ca a si caah ka thiam ning tein Lai holh in ka vun chiah,”Tluanga Phone kha ka pe kir tthan, thil tthalo a tlun hlanah hin.. kan kawl lai i, khawi ka hmun paoh ah um law kan hmuh tthiam tthiam lai.. mah bantuk hawikawm hi kan rak ngeih a si mu…ttihnung tak tak ak ti..thonginn ah kan tlakter lai…na hrut…” tiah caku a tar ning cu a si.

Mah thil hi a hmaan mi si ahcun thil ttha lo tak tak a si i, hawikawm le thil fir piak hi thil ttha lo tak tak a si. Hi bantuk hawikawm hi na ngei ve bal maw?

Note: An i capo sawh sawh naak zong a si kho men ti kan theih chih awk ka duh.

Source:MPTG

Hi capar zong hi rak rel chap. Cuap chung thurhnommi thianh ning

Minung kan nunnak ah cuap hi a biapi taktakmi a si. A biapit bantuk in a ngandam zong a herh ve. Nifatin kan umnak pawngkam a thurhnom ruang le kuak ti bantuk kan zuk ruangah kan cuap hi a rawk khomi a si. Cucaah kan cuap hi a damnak hnga nifatin thianh ding kan si. Siloah cuap cu zeitindah kan thianh lai ti cun.

Na thaw chuah exercise tuah piak. Kan cuap chung ummi thurhnom pawl a thian nak ding ah cun thawchuah exercise tuah atha bik. Phun dang chim cun kan cuap a damnak hnga le thian nak hnga thli tampi a herh. Cucaah zing na thaw ka ah ding tein dir law na thaw fak pi in chuah law thli kha biatak in dawp. Na hnar awng khat kha na kut in hmet law phit cun awng khat khan thli dawp. Cu ti na tuah cun na cuap thurhnom an tlau lai.

. Na ih ning thleng. Naa tlinhmi chantling kha a sang tuk zong a tha lo i niam tuk zong a tha hlei lo. Chanting hak mi hrim cu ngandamnak caah tihnung a si. Chantling nemmi tlinh ding cuap ca zongah a tha. A Si khawh cun na thaw tha te na chuah khawhnak dingah na chantling kha 15 cintimeter lawng sang seh. Cu ti naa tlinh cun na thaw chuah a hman lai na thi kal zong a tha lai.

.Khuh. Khuh hi cuap thianh nak caah a tha ngaimi a si. Zeicahtiah kan khuh tikah cuap thurhnom vialte kan chuah dih. Khuh khi thinphan tuk ding si lo. Mah belte zarh khat nak tam kan khuh cun siibawi te sin i piah ding si ve.

.Na kut hmet. Kan thawchuah lam a that nak hnga kut hmeh nam piak atha tihi mi tampi nih kan thei tawn lo. Kan thaw chuah lam a that tikah kan cuap a thiang ve. Cucaah na cuap thianh nak ding cun na kut thi kalnak kha minute 3 tluk in hmeh piak hmanh na cuap thiang lai.

.Thli thian lonak hmun kal hrial. Leng na chuah tikah a thur hnomnak hmun , thli a thian lonak hmun cu kal hlah hrial bak. Cun kuak zu hlah. Kuak ka zuk lo pat tiah thli a thian lonak le kuak zu kam ah um hlah

Leave a Reply

Your email address will not be published. Required fields are marked *