Mizo Prophet Mimi Nih Trump cu Pathian Bia Lei in Ralrin a Pek Cang

Zahan naite khan Trump nih cun a hawipa Vice President Mike Pence cu fak ngai in a phomh. Hi kong he pehtlaiin Mizoram prophet nu Mimi nih Trump cu fak ngai in a phomh than ve. Trump nih cun Mike Pence nih hin Ram humhimnak ca le kan phunglam kilvennak caah ralthatnak a ngei lo tiah a rak soisel. Mah party chung lila ah bia i hmuhthiamlonak  a rak um. Trump nih hin US mipi nih biadik an theih a herh tiah a chim.

Trump nih hin Mike Pence hi a phomh. Cun Mizoram prophet nu tiah timi le biaphun phun phun a chim tawnmi Mimi nih Trump nih Mike Pence a phomhmi kong ah hi ti hin fak ngai in lehnak  a tuah ve. Mimi nih cun ‘ Mike Pence hi duh duh i na tuah dingmi na tunu a si lo. US phunghrampi a zulh khi a si ko. Zaangfaknak tein Pathian sin ah ngaithiam hal law, Na sual icir. Cu a si lo ahcun Pathian biaceihnak na hmaitonh a hau lai” tiah a ti. Mimi nih hin Trump hi tutan US ithiamnak ah hin a sung lai tiah a rak phuan chung cia ve cang.

Relchap:-India lemcang thiam Pryanka Chopra cu a mualpho cikcek, palik nih an tlaih 

India muicawl lemcang thiam Pryanka Chopra cu London khuapi lockdown lio ah khua lak i aa chawh an hmuh ruang ah palik nih an va kal hnawh i, sam tuahternak ah an va tlaih. A pawngkam hrawng ah an hmuh.  Hi zawtnak hi vawleicung hmundang ah a karh lo nakhnga le UK hrimhrim zong ah a karh lo nakhnga lockdown an kalpi, minung leng ah chuah sian a si lo.

A chuakmi tlaih an si ahcun UK tangka £10,000 tiang liamter an si lai. Hi lio ah Priyanka Chopra hi a rian(video zaih) he pehtlai in a sam tuahter a duh ruang ah hair salon lei ah a kal. Celebrity pawl nih an sam an tuahternak hmun pakhat Josh Wood dawr ah a kal. Cucu UK palik drone nih an hmuh. Zanlei suimilam 5:40 ah an va kal hnawh i an tlaih hna.

Sinain, Priyanka hi muicawl tuahnak he pehtlai in a chuakmi a si caah Palik nih paperwork tlawmpal an tuah hnu in an chuahter hna. Tutan UK lockdown ah hin restaurant, hair salon, hotel le dawr vialte khar a si ko nain, muvi tuahtu hna cu khualak chuah khawhnak nawl an pek hna. Curuang ah Pryanka zong hi a him khawhnak a si. Sihmanhsehlaw mipi leiin soiselnak fak pipi an tong. “Zeiruang ah dah Priyanka hi Cozah phungning tein dantat a si ve lo. Zei bantuk minung dah a si? UK phunghram pi cung ah zeitin dah a leen khawh,” ti hna in biahalnak a um. Sinain, phungthar an zamh mi ah Priyanka cu a rian pehzulh khawhnak covo a ngeih ruang ah Solon lei ah an kirter than.