NU HI SIFAK AN CELH LO I, PA HI RUM AN CELH VE LO!

Nu hna hi sifak an celh lo. Pa hna hi rum an celh ve lo. Zei tluk hmanh in kan i duh an ti zong ah pa pakhat nih zei hmanh a nei lo i, a cung ah i ruah chan ding thil a um lo a si ah cun nu mi zei hmanh nih a pawng ah an um huam lai lo.

Mi cheu nih cun an chim.. sifak ah maw rum ah maw i dawt te in kan um lai an ti. Hi hi cu kan pi & pu hna chan lio ah khan a rak si. Tu chan ah cun a si ti lo. Nu ti mi nih cun an pasal le kha i bochan an duh caah an nun nak dih lak kha an pek hna. Cu ban tuk in kan hnung ah a kan zul an si lo mei…?

Kan nih cu pa pakhat kan si. Pa pakhat a si mi nih cun kan tthit mi kan nupi le zoh khanh ding cu kan rian a si. Nupi kan tthit hnu ah cun kan nupi le cu an i nuamh ding in kan chiah hna ding cu kan rian a si. Kan nupi le hna i an that le an chiat cu kan mah pa hna cung ah hin 100 % cu a um!

Nan tthit hna hlan ah tha te in i ruat ta uh… tthit cu nan thiam nain nan nupi le hna i an hmai lei caah him nak / dor nak ding tha te in nan pek kho hna lo ding a si ah cun… Tuan deuh zong ah nupa hawl hna kong kha nan theih ko lai khah tadin ah an van langh ter mi kha. An i tthitumnak cu a sau rih lo fa pakhat an neih cawh. An fa cu a dam lo caah zoh khanh nak ding tangka um lo an ti i lam ah mi tangka an chuh hna.

Khua mi hna nih an tlaih i, bia an hal hna cu.. kan fa a dam lo caah sizung kalpi nak ding caah tangka a hau cu caah ka chuh nak hna a si an ti. An ning hmanh zak lo in zei tin dek cu ban tuk bia cu an chim ngam. Mi cheu nih cun hi pa hi pa lung thin a nei an ti i an zangfak. Nain kei nih cun ka zangfak kho ve lo.

Hi nih hin maw pa ka si aa ti ngam. Tak tak ti cun a nupi nih fa a pawi in khan a fa caah le hmai lei an nun nak caah tangka cu aa rak i kawl cia ding a si cang. Nupi cu kan tthit ngam… nain kan rian cu kan tlinh lo. Cu ban tuk hna minung cu pasal tha tiah chim kho an si hnga hme maw?

Nu zong hi nan tha lo. Pasal nan nei hlan ah hmai lei ah zei tin kan nung lai ti kha nan ruat hma sa a hau. Duh nak cu ei kho a si lo. Paw zong a khim kho lo. Kan duh nak lawng ruat in nupi & pasal cu kan nei hna. Fa kan neih hna. Fa kan neih hnu hna ah ho dah kan i bochan lai ti zong kan i theih kho ti hna lo. Nu pawl tha te in i ruat. Pasal le an tha ah cun phun dang…

Pasal le nih san an tlai lo. Nupi le nih le khua khan thiam lo. Cu ban tuk in cun inn chungkhar ah buai nak a chuak.. Cu ruang ah cun tha te in nupi & pasal nan nei hlan ah tha te in i ruat cia uh. A si hnu ah i chir cu zei san a tlai sual lai lo.

Credit- Kyaw Kyaw Khine

Leave a Reply

Your email address will not be published. Required fields are marked *