Salai Ceu Bik Thawng nih CYO, Chin Person of the Year 2019 caah Minung 5 a duhmi a van Chap

2018-2019 kum caah Chin pasal/nusal tha pa (5) ka hun CHAP (Salai Ceu Bik Thawng)

Kan Chin miphun dothlennak/sernak caah a biapi taktakmi dirhmun kan dir lio a si caah a kapkip in thazang um-ek chuah cio lio a si. Upat pek awk an tam lengluang. Kumfatin Chin buu kip nih min phunkip bunh in pek cio a si. Hihi thil tha a si. Vawleicung ah pek ciomi a si fam.

Nai ah CYO zong nih nominate an van tar hna ka hmuh. Ka uar taktakmi le chuanvawr lawngte an si. Aho nih laksawng an ngah zongah lawmhpi cio hna usih– result chuah lai kaa hngahhlang ngaite.

Khatlei ah, keimah pumpak in, naicikua i miphun caah rian pipa a tuanmi pawl (atu tiang zapi nih langhter tuk lem lomi pawl) van langhter ve hna ka duh. Uar cem/deuh ti theng si lo. Zapi nih theih tlak an si ve ti bia

  • Salai Kyaw Aung: Nihin Chinmi nih kan i buaipi bikmi hi AA kongah harnak a si. Har tongmi Paletwa mipi pawl tawlrelnak caah amah hi thih-nun-ri in a cawlcangmi a si. CNF Paletwa zung i tawlreltu pakhat zong a si. Mino, mifel, mi thekvaktha a si. Amah hi Khumi Mino Buu chungtuan a si.

  • Salai Thang Loon: CNF ah kan rinhchan taktakmi, nai hrawng CNF ralkap kan thazang tthawn ngaimi zong hi amah hi vei pakhat a si ve (tam ka tial lailo). Kanpetlet/Mindat mi a si. Chin Sianghleirun bu GS zong a rak tuan bal i atu ramchung i kan dirhmi CYO-Central zongah upa pakhat a si.

  • Mai Len Nei Cer (Ciangte): Falam lei kan farnu, NINU buu a dirh i Chin NU pawl covo kilven le thanchoter nak caah luhlinh in a cawlcanghmi a si. Chin huap nu covo kong report cauk pa 2/3 a chuahpi hna i training zong Chinram hmun tampi ah a tuahpi cuahmah hna.

  • Salai Sang Hnin Lian: Malay le Delhi um Chin ralzam pawl UNHCR nih kan in kilveng ti hna lai lo tiah nikum ah an phuan tikah biatak tein Chin party le zatlang buu pawl nih kan doh. CHRO hi kuritu pakhat an si. Amah hi cu rian ah CHRO in tuanvo tlaitu program director a si. CCN zong nih nai ah Award an pek cang rua.

  • Mai Chin Chin Pekthang: Anih hi Tlangcung party 20 leng funtomnak phu NBF ah Director a si i Myanmar rampi huap remdaihnak (Zabu 21 Panglong) tiangah minlang in a kan telpiak pengtu a si. CNF ralkap pawl zong nih nucan ah an ruahmi pakhat a si.

  • Abik, acem tinak theng si lo. Upat tlak upat langhter khi a si ko. Miphun caah atlawm, atam, abi a kau ti loin__riantuanmi, pumpemi, relcawklo nan dihlak upat buin…

 Source: Salai Ceu Bik Thawng

Leave a Reply

Your email address will not be published. Required fields are marked *