Sui Hlei Tial kong Dr Hre Mang nih Chimmi hi Ngai ve Tuah (VIDEO)

US i khuasa kan pa bik pakhat bantuk i kan i neihmi Rev.Dr.Hre Mang nih tutan thil cangmi kong ah a hmuh ning a langhter ve cang. Video a tanglei bik ah a um lai. Rev. Dr. Hre Mang nih a ngaihchiatnak lungfak nak fak tuk in a langhter ve cang. Pasalpi a sinain tutan cu a bia zong a fak ngai ngai cang, a thin hung tuk ve timi zong fiang tein hmuh khawh asi.

Rev. Dr. Hre Mang cu miphun thisa ah kan bochan mi le upat mi asi. Ramkhel lei zong ah a ruahnak biatak tein a chuah ve lengmang mi a si. Tutan kan farnu Sui Hlei Tial le a chungkhar kong ahcun dai tein a um kho ve ti lo. Kan farnu Sui Hlei Tial cu Refugee dirhmun in Malaysia ah a um mi a si. Vanchiat ah inn dot 9nak in a tla i a nunnak a liam. A ruak tal chungkhar sin ah rak phan seh tiah biatak tein an i zuam hnu ah Laitlang lei ah a ruak cu rak tlun pi asi. A sinain Thantlang khua luh lai ah Nawl ngeitu kawl pawl nih an kham hna. Cu lawng hmanh si loin lam laklawh ah a ruak an vui. Hi kong ah Laimi dihlak lung a fak, tutan ah Rev. Dr. Hre Mang zong nih a lungfah nak a hun chim ve hi asi. (VOM)

A nunnak pek ding tiang hman ih a duhdawt kuahko mi, a miphun in hivek kan tawn cu a tuar aw thei nawn lo. A mitthli a tla. Kan miphun hin ziangha kan ṭul?

VIDEO timi hi hmet te