(Sunday Good news) Thluak ah tangka lut:- Chawva ngah ruang ah kan ropi ngai ngai lio hi arau lo???

Pathian bia nih cun “Chawva tampi nak in minthat hi thim deuh ding asi”(Phungthlukbia 22:1) ah ati ko hmanh ah, mi vialte Jesuh zumtu le zum lotu zong nih kan duh bik cem ‘Chawva tampi’ ngei hi asi ko, nawlngeihnak thiltikhawhnak (power) a ken chih ruang ah, kan thil sunglawi bik chung ami asi ko, mah lio ah hin ‘Chawva tampi’ hi minchiatnak tel lo in ngei khawh asi ko hmanh ah, ‘Chawva hi a hramthawh ah hmuh asi ko nain, a donghnak lei ah cun, thluachuah asi kho lo khi asi tawn.

(Phungthlukbia 20:21) ah an ti bantuk in, Pathian thluachuah tampi ngah mi, Solomon-Siangpahrang hmanh cu, a thi hnu ah cun ram anrak keh darh dih kha asi, ‘Tangka le Chawva tampi’ hmang in ropinak kawl hi adaih sau lo ngai tawn khi asi! Ei kawlnak thurhnawm hmang in tampi mgeih le chiah asi ko hmanh ah, acan aphak tik ah cun zei hmanh lo in acang pin ah, minung taksa damter khawh zong asi ti lo, thih tak thiamthiam a her ko.

Rum cawlh aduh mi le bang cu hrem lo in achuak bak lai lo, (Phungthlukbia 28:20) nih ati, Pathian bia nih “Tangka chawva duhtuk mi hna nih tangka chawva ah, duhtawk nak a ngei lo hmuh tam deuh deuh, Rum deuh deuh le ropinak duh chinchin hi asi, duh tawk ka ngei cang zacang seh timi hi an um nan theih hna bal cang maw?? duh tawh a hmu lo (Phungthlukbia 5:10) nih ati, tangka chawva luhnak tha an ngei lo cun, khawika tangka le chawva dah a ngei lai, tampi duh nak cu sungnak asi fawn.

Chawva le tangka ngah ruang ah pumpak ropi nak, chungkhar ropinak nih hin adaih sau bak tawn lo khi asi, In pawng chak thlang le ram chung le leng zong ah zoh le tuaktan hmanh? Ram pumpi zong ah zoh hmanh kum 10, kum 20 liam can lio ah mi rum kan ti mi hna hi atu tiang adaih ko timi hi an um theng lai lo, cu ruang ah cun “Mi rum hna an um ah siseh, chungkhar ropi hi atam chinchin ko hmanh ah tih hrimhrim hlah (Sam 49:16) nih ati bantuk in kum zungzal ah asau/daih ropi nak hi a um bal lo.

I uah ding aho hmanh kan um thlei lai lo, Kan tuh mi thei par cu kan zun vet e lai cu mu! Pathian bia in akan chim ko (Galati 6:7-8) ah Mi fel ngai ah kan theih mi hna zong hi, Pathian duh lo lei thil tuah zong an si kho men? mifel tlamtling timi hi an um bal lo, mah thlaici tuh cu mah vek nih kan zun lai tiah Pathian bia nih fiang ngai in akan chim, zun ding a ngei lai lo, Thluak ah tangka chawva lut mi hna hi, ei kawlnak thurhnawm hmang in tampi ngeih le chiah asi ko hmanh ah, acan aphak tik ah an zun ding mi thei par cu an hrial khawh lai lo timi hi afiang ko.

Mi fel hmanh lehrul asi ah cun mi sual le thil sual tuahtu cu zeitluk in dah afak chinchin lai? (Phnugthlukbia 11:31) khi asi, chungkhar, Pathian tih bu in sumdawnnak akalpi mi hna cu, a thei par atha chinchin peng ko, Thil dang zong ah ah, ei kawlnak ah, Pathian ah a nghat tlat mi chungkhar cu, par chuahnak lam a tha chinchin mi zong hmuh ding a um ko, A hram thawh ah mi hme na si zong ah adonghnak lei ah cun mi lian na si lai (Job 8:7) tih hi Pathian bia kam asi.

Pathiah tih mi chungkhar hna cu zei thil poh an tuah zong ah a par a tha chinchin lai pin ah, damnak, hnangamnak, chungkhar nuamhnak, atu a dirhmun ah lungawinak ngei but e in a um hna cu, Pathian nih thluachuah a pek chinchin peng ko timi hi, ralrin tein nun ning thiam ding ah Khrih min in kan nawl hna, Bwaipa min thangtha in um kose!