US Laipa Nih Dr.Sa Sa Kong A Chim Mi Cu A Mak Tak Tak.

US Laipa kan i bochan ngaingai mi Salai Lairamthang nih Dr.Sa Sa konglam a chim mi cu a mak bak ko. A tanglei ah a tial ning tein ka van in share chin hna. Salai Lairamthang hi Writer pakhat a i ve. A mah thawnginn kan theih lomi tampi kan theih tawn. Laimi phun caah thazaang tampi chuah tu a si. A tanglei ah a catial mi a um lai.

Tuzing cu zingka in Dr.Sasa Interview ka ngai. Lungthin tak tein tulio Kawlram politic a chim. Ka ruahning nak in politic a rak hngal. Practical ah a cang khomi politic a chim. Tinhmi tha ngai tung i, practical ah a cang kho lomi politic zong a chim.

Dr.Sasa bantuk miphun a dawmi, Pathian a bochan mi, asining a nuning in miphun caah rian a tuan taktak mi hi Chin miphun nih kan herhmi hna an si. Chunmang sawsawh manhter lengmang i practical ah a cang kho lomi politic cu kan miphun nih a herh lem lo.

“Zunghnam khur tiang mei kan van lai, Chin state hluttaw kan ting dih lai, miphun covo kan laak lai, cozah kan ser lai” tibantuk mang politic hi minmei bang cikkhat lo ah a zaam dih ding lawngte an si.

Credit : Salai Lairamthang.