US Nurse Katie Hawinu Nih Lai Dawr Sii An Zuar Mi Kong Cu Mah Ti Bak Hin A Chim Top Ko.

Thinhnem Par Lian

Note: A hmasa in a tanglei cattial mi hi bantuk in an ca kan rak share chin tikah hin pakhat le pakhat karlak ah huatnak buainak chuahpi duh ah asi lo timi kha rak kan theih piak uh. Kan rak share nak a ruang cu Zawn ruah nak te he mipi caah a ttha tiah an ruah mi an vun aupi tikah kan vun share chin mi asi. Cun kan theih a herh mi pakhat cu hi bantuk in Zawnruahnak te he ca an vun thlah tikah mi sipuazi ah an buai zong asi lo i Laimi kan him nak dingah ngandamnak ttha kan hmuh khawh nak dingah siaherhnak he an kan chimh mi asi ti thei bu tein rel le share khawh cio i  zuam hna usih.

US Nurse Katie Van Zi nih mah ti hin comment a pek ve, “This is something we definitely should raise awareness of, it’s important and vital.” tiah comment a pek.

No description available.

Zaangfahnak tein Lai dawr ah si cu zuar ti hna hlah u si! A bik in nau hlaatnak si (birth control) le antibiotics (amoxicillin bantuk) zuar hi cu hrial hrim hrim ko hna u si! Mah si an din ruangah emergency room a phaan mi an tam tuk cang! A cawtu zong, zaangfahnak tein kan pum chung a lut ding mi paoh hi cu, ttha tein hlat hmasat hna u si! Thil hmaan ning tein tuah hna u si. Kan umnak ram ii an zulhphung zulh i zuam hna u si.

Nurse Katie nih, Hmaan cuh! I can give you so many real life examples why this is important. tiah share a tuah ve. 

No description available.

Credit: THINHNEM PAR LIAN

(Mah capar hi van rel chap) Nurse ka tuan chung ah harnak tampi ka tong nain kai harh cemmi Pakhat cu Na fanu/fapa/nu/pa a thaw a cat cang timi taan tak mi chungkhar thawngthanh khi a si.

A luan cia mi kumkhat le cheu ahkhan zaan rian ka rak tuan bal. Zankhat cu ka zohkhenhmi ka mizaw pakhat cu zinglei nazi 1:30 hrawng ah zuun thawh ding ah a kan auh. Kei kha chikhat te inn leng ah ka thaw kai chuah lai ka ti bak a si. Minutes 5 hmanh a rauh hlan ah an ka auh i ka van luh cu a thaw a cat thluahmah. A mah cu a thaw a dih ahcun chanh lo ding in min a thu cia mi a si i zeihmanh kan tuah piak kho lo. A ihkhun ah kan ih ter i oxygen kan pek ko nain mah ti cun caan a thaw a cat.

A mah cu ka dam tuk cang hmaizarh cun na lawi cang lai an ka ti tiah a ka chimh i ai nuam tuk. A zuun thawh pah zong ahcun a mirh tuk ning a hmaipanh Ning le a thawn ning. Mah cu min 5 ah a thaw a cat ko. A fanu hi zeitin dah phone ka chawnh lai i zeitin dah ka hnemh lai ti khua bak khi ka ruat. Ka celh lo. Keimah lawng sau lak khua ka ruah i Kai hnemh hnu ah, zinglei suimilam 2 ah a fanu cu lau lengmang in ka rak chawnh. A hnemh zia zong ka rak thiam lo. A min zong a tutiang Kai chinchiah peng ko.

Nurse si hi a fawi lo awh. A caan ahcun Ngakchia nausem an chuah kan hmuh hna caan zong a um i upa an thih zong kan hmuh caan hna a um. Mah bantuk ahkhin kan khing a rit tuk tawn. A kan theithiam lomi nih cun a caan i hnemh kan hauh i kan ngaihchiat caan ahkhin depressions ngei mi hna a kan ruah le nihsawhnak hna a kan hman tawn. Laimi nih hin depressions ngeih te hna khi zumhnak feh lo tuk ah kan ruah caah a si tawn rua. Kan sining kan ngaihchiatnak kan in chimh hna ahcun kan khing a rit tuk ti kan theih piak ulaw. Rak kan ngaih piak uh (empathy kan herh).

Credit : Katie Van Zi