US Phunghrampi ‘Democracy” hi Zeitluk In Dah a Tthat

US phunghrampi ‘democracy” hi zeitluk indah a tthat timi cu Trump cawlcanghnak nih a fehter ngaite. US ram an ihruainak system cu, aa tlukmi nawlngeihnak phu 3 in aa hruaimi an si. 1, Legislative ,Makes laws (Congress, comprised of the House of Representatives and Senate)2, Judicial,Evaluates laws (Supreme Court and other courts)3 Executive, Carries out laws (president, vice president, Cabinet, most federal agencies)

Nizan ah US capitol building ah Legislatives phu pawl cu, Executive branch Lutlai Trump, a supporters pawl nih an luh hnawh hna. Asinain an sung. Trump nih a Vice President Mike Pence cu, hramhram in Legislative pawl nawlngeihnak chuh dingin a fial rih. Asinain Mike Pence nih a duh lo.Cucaah, a von fiang ngaimi cu- US hi Kawlram bantuk, Thailand bantuk, Democracy ah a fek huaha rih lomi ram sisehlaw, Trump nih thahrum in uknak a lak khawh lai i, North Korea i Kim Jon Un chungkhar uknak bantuk in, Trump empire a dirh lai tinak a si.

TRUMP Cozah ah an chungkhar ningpi in, uktu an ttuan ning zoh tikah, uknak la sual sehlaw, Kim chungkhar bantuk in, uknak ro cu, Trump in a fapa sinah tiah peh thluahmah a duh ding phun a si.Bible hna upside-down in aa tlaih i hman aa thlakpimi nih Khrifa hi a tanh tak lo- Khrifa sinak tu hi amah pumpak miak nak/vote hmuhnak caah a hman tiah thlanglei Evangelical phu zeimawzat nih an kaltak cangmi a si.

Cucaah, Nizan ah a cangmi thil le nihin news zoh tikah Trump nih US democracy cu a hrawh deng hmang te ti awk a si. Joe Bidden nih biakamhnak a tuah tik, Jan 20 zong ahhin a chuak lai lo tiah an zumh. Cun, a can/time a tang rihmi Ni 13 zong ahhin fakpi in a dirpitu mirang a tukforh rih hna lai i, buainak lam an kawl lai tiah tampi nih an lunghrinh rih thiam. Cucaah, social media companies tiang nih an block dih. Zeidah an lawh te hnga. Zoh rih ko hna usih! Source: Zasang Cinzah.