Van Hlei Sung Nih Lai Thuam Te He A Ca Tial Mi Cu A Mak Kho Tak Tak.

Hlasakthiam Van Hlei Sung nih Lai thuam te he aa thuam nak in a profile a van thlen than cang. A profile a thlen lawng siloin Laimi phun thazaang peknak ca tiah a ca tiak mi cu a tha kho taktak, a mak kho taktak. Kan Lainu hlasakthiam Van Hlei Sung hi New Zealand ah um ko hmanhsehlaw miphun dawtnak cu a lungthin ah a khat peng ko hi.

Mah ti hin hlasakthiam Van Hlei Sung nih a chim, “Awtaw nawl cawn, laangak tuanbia hluan sual lo dingin, maw Chin mi, thinlung kil ten fim caan a cu” – Lai Ram Hu” tiah Lai Ram Hu nih a tial mi cu a van chim than ve hi a si.

(Kan hnu deuh a rak tial mi) Elections #CNLD #NLD . Saya ttuan si loin ka lungchung um mi bia.Duh le laak, duh lo le hlonh. 🙏

Minung hi kan duh/thim mi aa dang cio ko nain kan duh/thimnak ah hin a chia lei in kan duh/thim bia asi lo. Kan mah pumpak nih, ‘hi ti hin asi ah cun, a tha lai’, ti ruat bu tein kan duh/thim cio mi asi.(Bad intentions) Tthat lonak khuakhaannak he a ra mi cu asi lai ka zum lo.

Mah caah cun pakhat le pakhat nih kan duh/thimnak cio ah, i upat in i theithiam hna usih. Politics ruang hna i Chin miphun i rem lonak le i tthenak a chuah sual ah cun a tha lai lo. Hlan ah cun freedom kan rak ngei lo, atu ah cun freedom of choice kan ngeih cang caah kan duh mi cio te kha i thim hna usih.

Chin mi, kan i thok kaa te lawng asi rih. Pathian sin ah ap hna usih. ‘A rem le a tha’ tiin khua a khaang tu cu Pathian asi te ko la. Good luck to everyone and always be kind and respectful please.” tiah a chim.

(A hlan deuh a rak tial mi)Tutan kan Lai hklasakthiam biachim mi cu a mak taktak, a dik taktak fawn. Uar um kho tuk. Mi caah thil tha kan tuah tik ah cheukhat cu mi nih hmu hna seh ti duh pat in facebook ah kan phozar peng. Kha bantuk i phozar kha thil tha a si tuk lem lo. Cu bantuk in hlasakthiam Van Hlei Sung zong nih fak piin a ruah nak a van chim ve hi a si.

Mah ti hin kan Lai hlasakthiam Van Hlei Sung nih a chim, “Midang caah thatnak kan tuah ah Facebook ah ttial le phozar hau loh.
Hibantuk a tuahmi cu zum hna hlah u. An thinlung ‘background’ tha lai lo. Ka zumh. Tthatnak cu thli tein tuah ah hmual a ngei.
Asunglawi, a nung.” tiah thil tha kan tuah mi cu phozar nak in a thli tein kan tuah ah hmual a ngei tiah a chim.

Hlasakthiam Van Hlei Sung biachim mi chi tha tein ruat tik ah a fim ngaingai. Mi cheukhat cu mi caah thil tha an tuah paoh ah mi nih ka thei hna seh tiah an thil tha tuah mi cu facebook ah an phozar peng. Mi caah thil tha a tuah mi facebook phozar lomi pawl cu dai tein an um asinain a thli tein hmual a ngei. Mah cacun mi caah thil tha kan tuah tik ah kan minthang nak caah siloin kan bawmhmi le kanmah le karlak si hram seh. Zeizong vialte a theitu Pathian kan ngei ti hi Philh hna hlah usih.

Credit : Van Hlei Sung