Vera Brandon hi Tihnung Tuk Pei a rak Si hi (Video)

Note: Vera Tih a nung nak video cu a tanglei bik ah a um lai. 

Aung lah he aa phomh dingmi Vera Brandon hi tihnung pei a rak si hi. Naite khan Aung Lah nih aralaimi October 13 i Tokyo khuapi Japan ram  i aa phomhnak ding i aa ngeihnak kong a rak langhter. Aung Lah hi aa ngeih kho tak tak. Nain teinak a hmu lai maw ti cu ruahawk tampi a um. Middle Weight taisawm vennak puai tlaamtling tein a lim hnu ah Light Heavy Weighton taisawm veng rih dingin Burmese Python tiah auhmi Kachin kan unau pa Aung La Nsang zong caan hmaan tein a cinh thluahmah cang.

Tutan Ligh Heavy Weighton taisawm ven himnak ding puai hi a mah ca zong ah ttih a nung ngaimi si caah a hlei bak in a cinh khunnak hi si. Aung la zong a ngeih kho tak tak cang. Exercise biatak tein a tuah. A ra laimi October ni 13 ah Japan ram i Philippine miphun American chuah, tulio heavy weighton champion Brandon Vera he aa tthua ding an si i mah puai ah Aung La Nsang nih teinak a hmuh bak ah cun vawlei cungah a tei kho ding an um ti lai lo.

Aung La Nsang hi middle weighton ah champion a si ko bu te ah heavy weighton champion bak a simi Brandon zuamcawhnak a cohlaan ngammi hmanh hi uar a um tuk cang.  Kum 41 a si cangmi heavy weighton champion Brandon Vera hi peruk le lehmah pathum bak a khaan saangmi si i MMA puai 24 aa tthuatnak ah puai 16 bak teinak hmu in tulio one championship heavy weighton ah champion taisawm aa tlaih tu si. Aung La Nsang le Brandon Vera hi champion ve ve bak an si bantuk in an rak cawnnak zong aa khatmi le saya pakhat nih a rak chimh hnami an si.

Brandon Vera hi tulio heavy weighton champion bak si ko hmanh sehlaw zei tik caan paoh ah a ka zuamcawh tu cu zei bantuk an si zongah ka cohlaan ko hna lai tiah a rak chim tu Aung La Nsang nih hin a ttih bak ve lo, zei caah tiah vawlei cung MMA tthuat thiam le pa tthawng hna zong caan tawite chungah a tthuat lengmang hna tik ah ttihnak timi hi a nei kho ti bak ve lo.

Cu ruangah tulio MMA ah patthawng bik pahnih hna tthuat lai ding ni le caan cu vawlei cung mipi nih a hngah bak in hngah cio a si i cu i tthuatnak ding puai ah Aung La Nsang nih timhlamhnak a neih ning hi zoh tik ah ttih nung lei bak a si. Vera Brondon hi a video zoh tik ah tihnung pei a rak si hi. Aung lah caah thinphang dai lo bak khi a si.

Aung la nih a phomh dingmi Vera Brandon hi tihnung tuk pei a rak si hi. A video hi rak zoh tuah. Tih nung bak a si ko. 

Credit: One Championship 

Leave a Reply

Your email address will not be published. Required fields are marked *