Cung Lian Sang Nih A Daling A Lerh Tak, A Daling Nu Biachim Mi Ka Duh Tuk



A hmasa bik ah tuanbia tak asi caah min cu a dang i thlen asi i, hmanthlak zong tar asi lai lo.

Duhdawtnak tak tak um lo mi nungak tlangval ai uar mi hna cu an i lerh tak theo tawn. An i dawt tak tak tik ahcun Pathian ti lo cu hermi an nei lo. Dawtnak ahcun hngapih le an thur hmanh a thaw an ti. Asinain dawtnak um lo ahcun tangka le nuva sinak zong nih kar lak a feh ter khawh lo.

#1 Cung Lian Sang

Cung Lian Sang cu kum 20 tlangval asi i, a za ve ngai mi, tung sang ngai le ca thiam ngai asi. Rian ttha te zong a ngeih i a chungle zong a cawm khawh hna. Rian a ttuan nak zong ah fel te i rian a ttuan mi asi i an i bochan ngai ngai.

#2 A daling

Cung Lian Sang cu minung asi i pa asi ve tik ah nungak hna a ngei ve. A daling cu Emily asi i, Emily cu nungak fel tak, rian ttuan buin a pa a zeng mi cu a zohkhenh. Rian zong fel tak tak in a ttuan, biaknak lei zong a ai pe tak tak mi asi. Daling a rak ngei bal lo, Cung Lian Sang hi a dawt bik mi asi.

#3 An i ton ning.

Emily le Cung Lian cu biakinn ah an i tong. Emily cu biakinn ah zarhpini zing ah hla dawh tak tak in a sak. Cung Lian nihcun a uar tuk i, i pumh dih ah a va chawn i, Emily nihcun ttha tein a rak leh. Cung Lian nihcun a Facebook a hal i, zan chiar an i chawn.

Emily zong nih caan a rauh hnu ahcun a rak duh ve cang. Pasal zong ngeih ai tim lo mi nih daling a ngei cang. An i nuam tak tak an i uar hram thawk te ahcun

#4 An i dawt ko ahcun ziah a lerh tak?

Kum khat an i uar cang an i duh ngai ngai. Cung Lian nihcun Emily cu ihpi a sawm tawn. Nuva sinak hmanpi a timh tawn i, Emily nihcun a duh bak lo. An i uar thla thum nak in hman pi a timh cang i a hman pi kho lo. A hawile nih Cung Lian cu an nek ngai ngai.

Cung Lian cu a hawile nih an nek tuk caah a ning a zak i, pa asi i nuva sinak hman ve a duh. Emily zong nih mah cu a theih thiam caah nikhat cu an in ah chimh loin hman pi ding ah a va kal. A thianhlim nak pek ding ah a kal.

#5 Zeidah a cang ne?

Emily nihcun a nun chung a philh khawh lo ding mi a hmuh. Inn ka ai hrenh lo caah a va luh tik ah Cung Lian le nu dang cu an rak ih tti kha a hmuh. A lung a kuai tak tak, zeihmanh zong a chim kho lo i, ttap buin a chuak colh.

An i tthen mi cu a theimi hna an khuaruah a har tuk. Cu tluk ai daw mi hna zeitindah an i tthen khawh tiah an hal? Emily le Cung Lian chim mi ai lo bak ko.

#6 An bia chimmi

Dawtnak tak tak cu a lang ko. Cung Lian nihcun amah i vennak caah Emily nih a ka lerh tak tiah thawng pang ka theih tiah ati.

Emily tu nihcun “Keimah palh asi kan i tthen mi kha, ka rak lerh tak le si, amah palh zeihmanh a um lo, keimah nak ttha nungak dang a phu ko” tiah midang sin ah a lerhtak tu pa cu thangchiat loin amah tu nih thangchiatnak a ing.



Be the first to comment

Leave a Reply

Your email address will not be published.


*