Amen ! Rev Robert Thawng Zam A Nau Le Nih Pathian Thangthat Nak Hla An Sak Lio Ah Thiang Thlarau A Tlung.

Laimi nih kan i bochan ngaingai mi Rev. Thawng Zam a nau le nih Pathian thangthatnak hla an sak lio ah Thiang Thlarau a tlung. Bawipa nih sunparnak vialte co ko seh. Tutan Video ka van thlah mi hi Rev.Robert Thawng Zam nih tuni a van share than mi kan van share chin mi asi. “God bless MAME ministries and all worship teams.” tiah caption a chiah chih fawn. A tang bak ah a video zoh khawh a si lai. Bawipa sunparnak caah si hram seh.

Video    https://www.facebook.com/robertthawngzam/videos/10210354666208560

Video Credit : Salai Thaung Zam

(Rev.Robert Thawng Zam nupi nu sermon hi van rel ta rih) Laimi nih kan i bochan ngaingai mi Rev.Robert Thawng Zam nupi Olivia Zam nih Pathian bia a chim mi cu a tha kho taktak. Uar um kho taktak si. A fim bak ko. Pathian bia a chim mi cu a tha kho taktak.

Herhnak vialte petu Pathian

„Cung Nung Bik Pathian cu ka auh, ka herhnak vialte a ka Petu Pathian cu ka kawh. Vancung khin a run ka leh lai i a ka khamh lai; a ka dohtu kha a sunghter hna lai. Pathian nih cun a fekmi a Dawtnak le Zumhawktlak a sinak kha ka cungah a langhter lai.“ (Psalm 57:2-3)

*Nifatin kan herh baunak a hngal dihtu le pe khotu tak tak cu Pathian lawng lawng asi. Amah cu kan lungthin tak le lungthin dih um lak in kan auh tik le kan kawh tik paoh ah, a kan lettu Pathian asi (Jeremiah 33:3). Nifatin kan nun ah har can ah siseh lawmh can ah siseh, a Dawtnak le Zumhawktlak asinak cu kan sinah langhter a duh zungzaltu Pathian asi. Cucaah nihin le nifatin kan nunnak ah, nangmah le keimah khamh le bawmh a kan duh zungzaltu a nungmi Pathian cu auh le kawh zungzal ko hna uh sih!

Pathian vel le daihnak na cungah um ko seh!

Nikhat hnu nikhat thilrit changtu Bawipa :

“Ni khat hnu ni khat kan thilrit a kan changtu BAWIPA cu thangṭhat ko u, Amah cu a kan Khamhtu Pathian a si.” (Psalm 68:19) *Kan nun ah kan tonmi harnak, ngaihchiatnak, sunghzatlaknak, lungretheihnak le thilrit vialte cu, kan pawngkam minung hawi nih cun voikhat, voihnih, ni khat, ni hnih, zarh khat, thlakhat kum khat etc. chan an kan bawmh khawh ko men hnga, asi nain a can vun sau deuh ahcun lungsau le thinfual a har kho men. Sihmanhsehlaw, nikhat hnu nikhat cu kan thilrit vialte a kan chang peng khotu cu BAWIPA Pathian lawng lawng asi. Hallelujah!

*Jesuh nih hitin Bia a kan kamh, “maw retheimi le thilritmi vialte hna, Ka sinah ra tuah uh, dinhnak Kan pek hna lai. Ka seihnam kha i bei u, KEI cu nunnem le mitoidor Ka si caah Ka nawl hi i cawn ve u; cun dinhnak kha nan hmuh lai. Ka seihnam cu bei a nuam i, Ka thil cu a zaang”, tiah ati. (Mat 11:28-30) *Cucaah nihin le nifatin ah na tonmi le na phorhmi thilrit vialte cu BAWIPA sinah le BAWIPA hmaiah rak pu law, BAWIPA nih an chaan lai, an khamh lai, dinhnak an pek lai.

Credit : Olivia Zam