Franklin Graham nih Kawlram caah Thlacamnak a Sawm Cang

 Vawleicung Evangelist minthang tleicia Billy Graham fapa Franklin Graham nih cun Kawlram caah tlacam dingin sawmnak a tuah. Franklin Graham hi Pathian rian a tuanmi le US ram le vawleicung khrihfa nih an bochan ngaimi a si. US President Donald Trump he zong aa thei ngaimi a si. Kawlram caah thlacam dingin hi ti hin sawmnak a tuah.  ‘ Tuni hi vawleicung ramkip nuhrin covo Ni (International Human Rights Day) a si. Atu tiang ka khrihfa biaknak zalong tein biak khawh nak ram i a ummi ka si caah kaa lawm tuk. Biakinn ah kan kal kho, thla kan cam kho, Bible kan rel kho. Cun midang sin ah biatak kan chim phuang kho.

Asinain hi thil hi kum caan rau lo te zong ah aa thleng khomi  a si.Vawleicung ram tampi ah Khrihfa biaknak zalong tein a kalpi kho lomi le zalong nak kan hmuhmi a tingco lo mi tu chun ni tiang an um rih. Tuzarh khan State Department lei nih cun Biaknak zalongnak a ngei lomi ram pawl a langhter.  Cu hna ram cu,  Burma, China, Eritrea, Iran, Nigeria, North Korea, Pakistan, Saudi Arabia, Tajikistan, le Turkmenistan ram hna an si. Hi ram pawl caah thlacam theihternak bantuk a si.

President Trump le Vice President Mike Pence hna nih biaknak zalongnak hi kum 4 chung khan biapi ah an chiah caah kaa lawm i Pathian min zong ka thangthat. Hi ram zong ah hi biaknak zalongnak hi kan lawmhpi peng khawh nak lai thlacamnak ah ka zul uh tiah a langhter.