LANGAAK NUN IN ZUMTU NUN CAWNG UH SIH (Evan. Thomas Tial Uk)

LANGAAK NUN IN ZUMTU NUN CAWNG UHSIH
JOB 38:41,Gen 8:6-12,II King
17:6-7,Luka 5:1-11, Evan. Thomas Tial Uk

Luka 5 chung kan rel tik ah,Peter le a hawi le cu zankhua dei Sur an chep na in,pakhat hmanh an tlai lo a ti,tlawm pal lawng an tlaih ti seh law nga a um lo caan ti khawh a si,sihmanh seh law Ngatlaih in a paw ai cawm ve mi hna cu, Sur vorh le a thiam bak mi an si lai ti cu a fiang ko, a si na in an tlai lo, an tlaih lo nak a ruang a um, Cucu zei dah si kan ti ah cun,an hman mi an sur a thurhhnawmh tuk caah a si. Kadawtmi u le nau hna,athurhnawm mi Sur nih Nga a tlaih lo ban tuk in, Nun athurhnawm mi nih Thlarau nga a tlai kho lo,zeiruang ah dah Thawngtha kan chim ko na in, thlarau fa kan tlaih hna lo.

Mi nun kan thlen khawh lo,kan Sur chek than hna uh sih, kan nun i chek than hna uh sih,a thurmi Sur nih Nga atlai lai lo hih,Krifa buu ah rian tuan tu hna, kan member nga kan tlaih lo ah cun i chek hna uh sih,Nu le Pa hna kanfa le nga kan tlaih lo ah cun, kan nun i chek than hna uh sih, Sur a thur mi nih Nga a tlai lai lo hih,Peter kha Sur Vorh kha a thiam tuk ko, thiam nak nih Nga a tlai lo, chimthiam nak nih, Cawn nak nih Nga a tlai lo, Thianhhlim nak, Nun thian nak,Nun dawh nih Thlarau Nga a tlaih khawh,halleluijah Cu caah,kan Sur suu than hna uh sih,Ti ah si lo in Thiangthlarau ah i suu than hna uh sih.

Noah a rak i palh nak pakhat a um cucu zeidah si kan ti ah cun,Ti a reu cang maw ti theih a duh i, lamkal thlah ai timh tik ah Langaak a thlah mi kha a palh,aholh a tam mi Biachim a huam mi leikap lawng kha a zoh i,Sathu ei mi,lenglei zoh nak hrim in a nak mi,cun michun caw fir a hmang mi a si a theih ko nain,holh lo te in nun dawh te in a um mi, Thuro tu kha thlah lo in Langaak a thlah ruang ah, alung re athei than,aruang cu a thlah hnawh chan pakhat hmanh tlam a tlinh lo, Saruak ai hmuh i a va ei i, a thlah tu pa thlah hnawh chan pakhat hmanh a tuan lo i,adongh nak ah,Noah tu a lung re athei than.

Dawtmi Unau hna Langaak hman cu lung re athei,Langaak thlah cu hlawha tling lo,cu caah leng lei holh athawng mi le bia a thiam mi lei in si lo in, Thuro nun ngei tu,holh ai sum mi, a herh mi Biatak lawng chimphuan ai tim mi Thuro thlah i tim cang hna uh sih,Langaak Party si lai kaphang tuk,Langaak thlah tu zei tik hmanh ah an hlawh tling bal lo.

Adongh nak ah cun,Thoro a thlah tik ah, Thuro nih cun a zuang i a thlah tu Noah nih a thlah hnawh chan kha tlamtlinh ter ai zuam,halleluijah Cu caah Oliv thinghnah te he a rak kir ve, kadawt mi U leNau hna,Nun in thawngtha chim tu,Thuro nun ngei tu hna nih cun, Vulei ah kan Pathian nih a kan thlah hnawh chan hi zei dah si ti an theih i, an mah caah si lo in thlah tu pa i, thlah hnawh chan Thlarau
Oliv thing hnah an kawl i, Thlarau Oliv thinghnah tehe , thlah tu pa an tawn te lai,halleluijah.

A si nain, Saruak ah a tlau mi Langaak kha Bawipa he an i tawn hnu ah cun,Pathian Bia atheih i ccu a theih mi Pathian Bia nih anun a thlen i Leng lei Hmul ai thleng lo na in chung lei nun ai thleng ve cang,ai thlennak tehteh a piah nak cu, Elijah rawl pek Pathian nih a fial than i, Sa aduh tuk mi le rawl a duh tuk mi a si na in,lam pi ah pakhat hmanh a ei ti lo, a ruang cu Chung lei nun aithlen cang caah a si.

Hlan lio i, hman awk a tlak lo mi le, nun duh nung lo mi kan si zong ah Pathian he kan i tawn i, a bia kan ci hlanh ah cun leng lei mui ai thleng lo na in chung lei nun ai thlen caah ei tawn mi le din tawn mi vial te kha ding ei lo in, Fial tu Pathian caah zumh awk tlak in kar an hlan cang. Cu nun kan nun ah a langh khawh nak lai Thiangthlarau nih kan bawm ko seh
Amen
Bawipa nih thluachuah pe ko seh

Leave a Reply

Your email address will not be published. Required fields are marked *