Pathian Thilti Khawhnak Hi A Ropui Tuk Hring Hran Ko.

Pathian thilti khawhnak hi a ropui tuk hring hran ko. Frederick Lalrindika cu a tu tiang in Pathian nih a hman ngaingai. Federick Kong lam hi vawi tampi thlah a rak si cang. Laimi chung in a thei lomi kan um lai ka zum bak ti lo. Pathian nih Federick hmangin mi tampi a dam ter cang hna.

Mitcaw mi nih an hmuh khawh i, Cancer zawtnak a ngeimi nih damnak an hmuh. A kal kho ti lomi zong an khal kho i. A hnachet mi zong nih damnak an hmuh. Cu lawng silo in Zawtnak phun dang dang a ngeimi tampi nih Pathian thilti khawhnak an hmuh i an dam. Bawipa cu thangtthat in um ko seh.

Frederick hi Aizawl i ummi asi. A hawile he Revival Group an dirh i, biatak tein Pathian rian an ttuan. Mizoram lawng ah Pathian rian hi an ttuan loh i. Lai tlang lei tiang an phan cang.

Frederick hi Kawlram lei zong ah Pathian rianttuan in rak kal bal cangmi asi. Kawlram a rak kal lio ah hin minu chungin Khuachia ttih nung taktak mi zong Pathian min in a rak tthawl piak cang.

Tutan ah Nerve a ttha ti lomi nih Pathian thilti khawhnak a hmuh i, damnak a co. A ropui tuk hring hran ko. Pathian rianttuan ning mit bak i van hmuh tik ah thinlung zong a tong ngaingai. A tanglei ah video zong zoh khawh asi.

Video Credit : iCapture Life

Leave a Reply

Your email address will not be published. Required fields are marked *