Ralkap Pa Le a Darling i Dawtnak (Lung a Kuai Hringhran)



Thinlung a tong tak takmi Dawtnak tuanbia (love Story) hi rak rel ve. Na rel vek vek cun a dongh tiang i rel dingin kan sawm fawn. Na rel ding ah a lakka tein kan tialpiak ko hih.

Thinlung pek bu te i rel dingin kan sawm fawn.

Voikhat cu Sifak Tlangval le Mirum Nungak an i duh. Tlangval pa hi misifak chungkhar lei a si batuk Nu a chungle nih hin an duh lo. Cucaah Tlangval pa zong nih nungak nu hi hrial tiang aa timh caan a tam ngai. Asinain caan a van kal thluahmah tikah Nu chunglei nih cun Tlangval pa cu mifel te a si ti cu an van theih tak tak tikah an lung a tling tthan.

Asinain buainak pakhat a um. Caan tlawmpal a van liam cun Tlangval Pa zong cu ralkap ah a lut. Ralkap i a luh tlawmpal ah Ram ah Raldohnak a tlung. Ral ram a hlatnak pi ah Tlangval pa cu raldo dingin kuat a si. Raldohnak i a kal hlan te ah a nungak nu hmai ahcun a khuk aa bil i Na ka va lai maw? tiah a ti. Nu cu mitthli he Aw! (Yes) tiah a leh. Cuticun hamnak cu an tuah manh i, kum khat a tlin hnu ah itthium dingin lungtlinnak an rak ngei manh. Cuticun Tlangval pa zong cu Ral ram a hlatnakpi ahcun a kal ve.

Asinain vanchiatnak a rak tlung tthan. Nungak Nu cu mawttaw accident ruahlopi in a tong sual ai. A lu ah fak ngai i, aa khawn caah zei hngal lo in a um. A thaizing i sizung ah a nu le a pa nih heh tiah an ttah hnu lawng ah a lung a fiang. Sizung i a um hmanh a rak i thei lo.

Nungak nu cu mawttaw accident ruangah a thluak lei ah tlawmpal hliamhma le tlamtlinlonak aa huah. A thluak lei a tlamtlinlonak lei pin ah a mui cu a rawk ngai ngai. A hlan i aa dawh tak takmi kha khuachia bak a lo cang. Cun a taksa cu hmape lawng tein a khat rih. Muidawh nungak nu cu lak awk pakhat hmanh a tlak ti lo.

Kum khat chung hi Tlangval pa nih ral ram in nungak nu hi heh tiah ca a rak kuat tawn. Asinain nungak  nu nih hi voikhat te zong tlangval pa cakuat cu a let duh lo. Tlangval pa nih hin Phone zong voi tampi a rak call tawn nain nu nih hin a la duh bak lo.

Kum khat cu a van tling tak tak. Kum khat a liam cun Nungak nu cu a Nu nih ‘Nan tlangval pa ral ram in a rak tlung’ tiah a chimh. Nungak nu nih cun thang tak tak in Asi kho lo.. Asi kho lo..Keimah kong hi pakhat hmanh chimh hlah mu. Hi ka i ka um zong hi chimh bak hlah tiah a nu cu a nawl len.

Nungak nu a Nu nih cun Nupi a ngei lai, heh tthitum Sawmnak ca (wedding Card)  zong hi zoh. Voitampi an rak in call len, cun ca zong an rak kuat len nain na let duh lo tiah a ti.

Nungak nu lungthin cu kekkuai dih aa tim. A rak duh tukmi tlangval asinain a philh a hau cang fawn.

Thinphan taktak bu cun Thitumsawmnak Ca (Wedding Card) cu duh sah tete cun a on. Thitum Sawmnak ca a van rel tak tak cu a Min aa tial cu a hmuh. Nungak nu cu a khuaruah a har tuk i a nu cu ‘Hihi zeihme a si kaa fiang loh tiah a ti.

Tlawmpal ahcun Tlangval pa cu Room ahcun Pangpar dawh taktak he a rak lut. Tlangval pa cu khuk aa bil i Na ka va lai maw? tiah nungak Nu cu a hal. Nungak nu cu a hmai puan khuh buin Ka mui a chia tuk cang tiah tlangvalpa cu a leh.

Tlangval pa nih cun Nangmah nawl tel loin na nu nih na hmanthlak hi  a rak ka kuat tawn. Na hmanthlak ka zoh i zeihmanh na mui aa thleng lo ti ka hmuh. Nangmah hi kan dawtmi nu thiam thiam kha na si. A hlan bantuk tein naa dawh peng. A ruang cu kan ‘DAWT’ ruangah a si. tiah a ti.



Be the first to comment

Leave a Reply

Your email address will not be published.


*