Thlachiat ruah aumlo ahcun Khrihfa sinak le Dawtnak timi zong aum kho ve lo.

Thlachiat ruah aumlo ahcun Khrihfa sinak le Dawtnak timi zong aum kho ve lo.

Malaysia in Kawlram ah tlunpi mi Nu Sui Hlei Tial ruak cu Than Tlang khua leng ah an vui ti thawng pang nih lung nuam lo ngai in aka um ter. Ka chungkhat sahlawh ka theihmi zong asilo nain ka tuarpi hna. Covid 19 ruang ah aruak khuachung luh an sianhlo caah si an ti. Nawl ngei tu nih an ruah awk thil :

👉 Malaysia in aruak tlunpi nak tawlrel tu nih ahim ko- zawtnak aumlo timi fehter nak an zoh awk asi.

👉Covid 19 zawtnak hi “khuh le cil, tongh nak” in i chawnh khawh asi caah , nawl ngeitu nih safety tuah in vui khawh nak lam aumko , cucu an tuah duhlo.

👉 Miphundang ramdang ah thleidan nak phunkip le nehsawh nak kan ton hmanh lungfak tuk asi lio ah, semnak -khua ram hmanh ruak vui kho lo in thleidannak thinlung vanpang aum mi hi aho dah mawh kan phorh lai.

👉 Covid 19 lio ah ramdang in Kawlram ah tlunpi mi Kawlram minung an tampi, ui le ar bang hawi vuilo nak hmun an vui hna ka thei rih lo. Kawl le kawl hmanh an i daw, Laimi le laimi thlachiat ruat khrihfa kan si kan ti lio ah siasal bia hmanh kan tluk hna lo.

👉Sifak san tlailo khuate ti mi nautatnak thinlung akarh tuk ahcun Khrihfa sinak le thlachiat ruah nunphung angei lo mi Miphun bantuk kan si. Thihnak aphun phun a um, asinain athi cang mi ruak kong ah thlei dan aherh tilo, Ruakvui nak vawlei nih thleidan nak angeilo.

👉Covid 19 ruang ah timi solhphelhnak lawng chimrel ding asilo, ahim bik mi bawmhnak tuah ding Cozah nawl ngeitu rian asi. Ngaichiat atuar mi chung khar bawmh ding rian an ngei. Ataktak ahcun Sibawi thiam sang ( Doctor) zong nih ruakvui kong ah safety ( ahimnak bik lam in vui khawhnak) ruahnak pek khawh asi.

👉Vawlei cung ah chiat – tthat zohkhenh teirial bik le aa humzual bik mi Miphun kan si timi hi Pastor le nawl ngei tu zong nih nan philh lo aherh.

👉Nangmah nih na tuar khawh lo dingmi lungfahnak kha , midang nih an tuar ding na duh awk asilo.

Note: Mithi hna chungkhar he pehtlaih nak ka ngeilo, ka theih mi an si lo asinain thawngpang ka rel ah ka lung tawn nee aka khenh i ka tuar pi ngai hna. Kan zatlang upa hna nih Khuafak pin ruah aherh. Credit : Ral Eng Khenglawt