Tuan Peng Thang nih Tlang Cung Cawnpiaknak a Chimmi hi nih a Chuak kho tak tak

Dr.Tuan Peng Thang nih Tlang Cung Cawnpiaknak a Chimmi cu a tanglei bik ah a um lai:

Hi capar zong hi a tialmi a si i van rel ta.

Cungzingnu nih Laimi caah pekmi ram tha, ram sung, ramdawh le ram nuam asi nain a chung ummi hna le ramleng ummi lai miphun hna nunning le lungput zoh ah lung a dongh deng caan a tlawm lo. Pathian nih Lairam dawttertu ding le hlunhlaitertu ding ah a kan pekmi saram, zuu le va hna nih an kan ttih i thing le mau cung ah dimhdorhnak lungthin kan ngei lo.

Tichung ah a tlongmi ngaleng hna cu siai thalo in kan thah hna i kanmah nih ka ei duhlomi cu chawva in mi kan cawk ter hna. Kanmah nih kan tuan huam lomi rian a kan tuanpiaktu hna cu upat lo in nihsawhnak mit in kan zoh hna i miphun dang huatnak le vuak duhnak lungthin tiang kan ngei. Kanmah nih luatnak duh ah hehtiah kan au nain kan pawngkam ummi nih kanmah sinin luatnak an hmu ve lo. Thinphang in kan chiah ko hna hi teh.

Mino hna nunning zoh ah: Kan mino hna nun hi vun zoh hnik uu, kan Lairam le khrihfabu hi an kut ah chiah ngam teh a si te hnga maw? kan fale anmah cungah chungkhar nih ruahchannak kan chiahmi hna nih ih caan hngal lo thawh caan hnga lo “Papalak”bang zantim le khuamang tiang “Game celh le Online” i um. Zinglei suimilam 10 i vun thawh ah thinhun i a zeidang thiam lo “It’s my life”. An thiammi holh hi holh hi “My Wright” ti cu si hoi kaw, an duh paoh an ei i an ding.

Ritsi tiang in an tawng cang hna, mahnak upa deuh ttihzahnak an lungthin ah a sem ti lo. Vawlei ah kan Pathian a simi hringtu nule pa ttihzah cu chim lo sinum le sal bantuk in a tuahmi kan tlawm ti lo. Mah runinn cu Hotel bantuk ah ruatin duh poah in it, duh poah in um hnu ah eiduhmi poah i caknak ah a ruatmi kan karh chinchin. Or le dang no ding tawk in ca an cawng i cawnmi zeihmanh thiam ttung lo ah siangruninn ah an cawn lomi thiltu tampi an va thiam chih.

Laimi nunzia ah a dawhbikmi chiatni tthatni, zan khuadei caan ah suimilam 1:00pm pin zankhuadei ka chei lo ka ngandamnak nih a celh lo ti riangmang i lawi colh, inn ah Fb le Games celh vial ah khuadeideng tiang celh khawh ko ttung. Vun chimh le cawnpiak men ah ka theih zah nan thei lai lo cawnpiak ka hau lo a timi tamtuk kan i zuat cang hna hi teh. Mino nun lawnghlah, Upa teh zeihlei.

Upa hna lakah: Cozah riantuan teh tuanman nakin tamdeuh chawva hmuh aa timmi, company ngei le riantuantu teh? Minthat nakin chawva aa thim hmasami, midang lahkhah le an thancho kong ah a buai huam ngaimi kan tlawm loh hih.

Piangthar aa timi hna kan nunah khrih kong ah buai loin vawlei thil lawngah a buaimi, biaknak lei hruaitu cheukhat le ka politicians hna nih ram le khrihfabu dawtnak cu phaw ah i hruk in mah pawppi ca le mah minthatnak ca le chungkhar ca lawngah a tuanmi hlawhtlinnak le Pathian thluachuahnak zong rawhralnak ah a hmangmi miphun le ram cu Lairam a si ko ttung ahcun Semnak lairam cu kan zamtak in kan pemtak ne lai maw?

Zamtak nemmaam hlah: Eihmurnak atambiknak si an ti maw cu? Eihmur duhlomi tampi kan um ko rih. Tlangval lakah mifel le mi raltha miphun hawi bomhnak le Lairam caah an caantha vialte pek ngamhmi an tampi rih ko. Nungak thianghlim anuami chungkhar ser lo nak cun, va ka ngei lai lo atimi Vanlawng phurh khim saang le zawl ah an tampi ko rih. Biatak le Lairam le Lai miphun caah cun nunnak pek tiang a ngamhmi ticawklo kan um ko rih.

Tihhlah, ramle miphun dawtu na thin phang hlah; Lairam le lai miphun hi chanh tlak le remhthan khawh a si ko rih. Hmailei ah na ke vun kar dinfelnak le biatak Pathian pekmi kan pahrang cio hmang in Pathian nih kan kut ah a kan pekmi kan “Lairam le miphun” kan sersiam lai i kan remh than hna lai.
“Tho u sih law sa u sih” JDr.Tuan Peng Thang
 

Dr.Tuan Peng Thang nih Tlang Cung Cawnpiaknak a Chimmi cu a tanglei ah a um lai:

‘Thla a cam lo i, Baibal a reel lo i You Tube i mi chim cia lawng aa rinhmi cu ngaihchia nan va si dah, lungawttawm in nan um peng lai’ tiah tlangcung cawnpiaknak bantuk in a chim.

Credit: Tuan Peng Thang

Leave a Reply

Your email address will not be published. Required fields are marked *