Zualko: Missionary Rian A Tuan Cuahmah Mi Nungak Nih Mual A Kan Liam Tak

A poi tuk e. Ngaihchia te a si e. Atu bantuk in Bawipa rianthiang a tuan cuahmah mi le Jesuh nih ro a kan vuihmi miphun kip ah vakal uhlaw a ka zultu ah va ser hna uh. Kan fialmi vialte hna hi an zulh hna hnga va cawn piak uh tiah a kan cawn piak mi rian a tuan mi khrih saltha kan unau nu nih mual a kan liam tak cu taksa sinak in cun siang a um lo ngaingai. Arian tampi in tuan rih sehlaw ti cu kan duh hringhran mu, Sihmansehlaw amah Pathian nih a nunnak thaw cu a kan lak piak cang.

Atu nai mual a kan liam tak mi kan unau/far nu hi Nl, Lalnarammawii (Mawitei) (Kum 28) lawng a si rih mi a si. hringtu a pa hi Upa Ramfangliana a si, amah hi Khawkawn mi a si. A thihnak hi Missionary rian a tuannak, Marpara-ah mual a kan liam tak hi a si. Atu hi a ruak kong ah zeitin dah kan tuah lai timi kong an i ceih hmai lio a si tiah thawng kan theih. Amah hi zeitin dah a thih ning a si timi hi fiang in langter a si lo. Mawitei chungkhat klatka mi vialte Bawipa tu nih hnemh hram ko hna seh. Credit: V. Zamuana 

Relchap: Lainu, US Nurse a Simi nih Covid Vaccine aa Chun Ve, Hi ti hin a Chim

Chin miphun lakah Covid vaccines a chunh a hmasa bikmi a si men lai. Hi bantuk a um bal rih lomi atuah hmasa mi hi Chin miphun tuanbia ah a tang ve te lai. Chin miphun chungin Covid-19 khamhnak sii a chunh hmasa mi midang kan theih rih hna lo caah Sayamah Katie Van Zi hi a si lai tiah kan ruah i, a chunh hmasa mi zong an um kho men ko. A chunh hmasa bik tu Chin miphun chungin kan um ahcun comment zong nih theihternak tuah khawh kan si lai. Sayamah Katie Van Zi nih amah pumpak in a tanglei ah hin capar atialmi hi rak rel ve hmanh. 

‘Tuni cu voikhatnak Covid vaccines Kai chunh a si. Hi hnu zarhthum ah chunh than hau. Side effects a tam pah (sii paoh ahcun side effects an um dih ko). Chunh Kai tim bak lo nain a hnu pi ah ka lung Kai thleng than. Got my first dose of Covid vaccines today. I was skeptical, but changed my mind last minutes. Ps. I’ve given thousand of shots, but when it’s time for me to get one, I still get nervous. I was hardcore pretending like I was not scared lol.’ tiah a langhter.