A pa a thah hnuah a lu a tan i, A Nghawng ah a Ril Awrh in khawlak a Vahpi

Cubantuk thawngpang cu dah, khuaruahhar cu a si. Minung hi kan rak mak tuk hna. January 20, 2021 ah khan South Ukraine, Odessa timi  hmun ah Dmitry Ponomarenko, kum upa nih cun tha lo tak tak in hringtu apa a thah. Dmitry le a pa Igor Ponomarenko kum 53 hna cu biaelnak an ngei. A fapa thinhan aa sum khoh tilo tikah hringtu a pa cu Namte in a chunh.A Pa a thah hnu ah hin an Inn hlanmi pa Aleksandr Bemchenko zong kal hnawh in a thuat cawlh i, a thah cawlh ve.

A konglam theimi hna nih an chim ningah Misual Dmitry hi hotel riantuan asi. A pa a thah hlan Ni ah a rian in a phuak. A rian in phuah asi nak a ruang zong zu le sa a tongh tuk ca le a nun a chiakha tuk caah a si. Zeiruangah dah na thah tiah biahalnak an tuah tikah “ thah a herh ruanga si” tiah a leh hna. Dmitry nih a pa a thah hnu hin a ril a chuah, a nghawng ah i awrh bu in khawlak ah a vak. Khawlak a vah lio ah hin angki mumal zong a hruk eihlo tiah tualchung media hna nih an langhter. A cawlcang ning chiakhatuk mi an hmuh tikah a rannak in palik sinah report asi. Palik zong nih kal hnawh cawlh in an tlaih ve. hringtu a pa a thah lio ah hin A pi lea fa pahnih hna cu an ihh lio asi tiah an chim.

Palik hna nih misual pa hi an hren cuahmah lio asi. dantatnak pek asi cun a tlawmbikah kum 15 chung thawng a tla lai. New York post