Lampi Bak ah fapa te a hrin, lawmh um tuk hring hran eee

January ni 2 zan ah khan Mizoram, Hriangtlang khua ah nu pakhat cu Serchip khuapi lei panh in kan kal lio ah, Serchip khua phaan manh loin lampi ah fapa te a hrin. Bawhte pa hi Lalramenga a si i, a nu hi Kalvenhimi, Hriangtlang khua an si. An khua Hriangtlang ah hin an nu hi a nau ngan a fak i, Khuapi lei panh an duh ko nain lam a hlat pah ruang ah an panh ngam lo.

An khua nau charthiam Pi Lalremi le a fanu Pi Lalthanzami cu an auh hna. Nau char thiam hna nih cu nau an ngeihter khawh lo ruang ah khuapi deuh Serchip lei panh ding in an fial hna. Lampi zong ah nau ngei kho peng an si tikah i ralring cia tein nau charthiam hna he zanlei suimilam 3 hrawng ah an kal.

An ruah cia bantuk tein lampi ah cun a fak pah lengmang i, an vansan ah Serchip Siizung doctor le nurse an chawnh cia hna. Doctor le nurse nih an thawngpang an theih sinin a ran nakin thilri herhhnai mi he Hriangtlang khua lei cu an panh colh ve. Serchip doctor min hi Pi Puii a si i, khuakik le mui le zaan sihmanhsehlaw a rian a si caah tlawmngai taktak in nau char ding in aa thawh. Pi Puii le a naule nih lam lak ah Hriangtlang khuami cu an va ton hna.  An phâk sinin bat le bat lo zong chim loin nau ngan faknu cu an zuan hnawh colh. Mei ceu tha ngei lo bu in motor chung ah nau cu an ngeihter i zan suimilam 8 ah fapa te a hrin. Hi bantuk lampi i nau hrin hi theih ding a tam lo leng ah Serchip doctor pawl an rian ah an i pek tuk caah Hriangtlang khuami an i lawm tuk i, an hnangamnak kong zong social media ah an chim.S ource: Mizo World News.