Ralhang Misual Osama Bin Laden nih Sheffield United £3million bak tangka a Bawmh Hna

 UK ram i High Court nih cun zahan (Thursday) khan vawleicung ralhrang misual bik timi pa Osama Bin Laden nih England football club pakhat a simi  Sheffield United ah £3million bak tangka a rak cawih hna tiah a phuan ko. Sheffield United hi Osama Bin Laden nih £3million bak a cawih. Hi kong hi zahan (Thursday) khan court nih a van langhter.

Hi tangka cawihnak hi a min ah Project Delta ti a si. . 2013 kum khan £10million  miak hmuh duh ah Sheffield United i saupi chariman a rak si balmi Kevin McCabe nih club 50% cu Prince Abdullah Bin Mosaad Bin Abdulaziz Al Saud sin ah a rak zuar. Tutan ah hi hna pahnih karlak ah court ah biaelnak a um hi a si i buainak tampi an ngei. Court nih an kong a ceih cuahmah lio a si.

Osama Bin laden hi vawleicung ralhrang tihnung bik pakhat a rak si balmi a si. Saudi ram i mirum bik chungkhar minung a rak si. Osama Bin Laden hi vawleicung ralhrang cawlcanghnak vialte lakah a nganbik cawlcanghnak a tuahtu a si rih men lai. Al-Qaeda ralhrang hna nih hin 2001 kum khan  US Commercial airlines 4 bak hijack an rak tuah. Vanlawng pahnih nih World Trade Centre an hrawh i vawlawng pathumnak nih Pentagon a hrawh ve.

Cun a palinak vanlawng nih Pennsylvania ah a tla i vanlawng aa citmi minung vialte an thi dih. September 11,2001 kum i Al-Qaeda cawlcanghnak ruangah minung 3000 dengmang an thi. Raldohnak tak tak bantuk he aa dannak a um lo. Hi lio US President George W Bush tiang nih Bin Laden hi a thih ah maw a nun ah ka duh (wanted dead or alive) tiah a rak phuan. Hi ralhrang hna cawlcanghnak ruangah President Bush tiang nih  Afghanistan a rak tuk. Tutan ah court nih England ram i football club pakhat a simi  Sheffield United ah £3million bak tangka a rak cawih tiah a phuan hi a si.

Source: Daily Mail

Leave a Reply

Your email address will not be published. Required fields are marked *