Rosie Thitum Ni Cu Thinlung A Tong Kho Tak Tak (Video He).

(A tanglei bik ah a video zoh khawh a si lai) Rosie Babor le Mario Perez cu Kum 3 an i uar hnu ah tu thla khan Cebu khualipi, Philippines ah Pathian hmai ah a thiang thitumnak an tuah. An i dawtnak video Rosie wheel chair in a ttum riang mang i a mah tein a kal nak video cu mipi nih an hmuh tik ah a viral colh. Rosie nih hin a mah duhthim nak bak i kal mi a si. An tuanbia tawi cu a tanglei bantuk hin kan van langhter.

Rosie Babor hi Cebu, Philippines i chuak mi a si. A chuah ka in ke neilo bak in chuak mi a si. Ke a neih lo caah harnak tampi a tong. Kum 3 liam cia mi ah khan Mario Perez he an i uar. Kum 3 an i uar hnu ah Pathian hmai ah i nei dingin biachahnak an tuah. Pandemic lio a si caah an duh ning in thil tampi a kal kho lo. Asinain tu thla khan a chungkhar le hawi le kawm tlawmpal te he hi thitumnak puai hi an tuah khawh.

Daily Mail nih a chim ning ahcun Rosie nih hin a dawt bikmi he an i neih tik ah wheelchair ka hman lai tiah a rak ti. Asinain an neih ni le caan a van phak tik ah wheelchair hman nak cun a mah te i kal cu ai thim than. Mah ti hin Rosie nih wheelchair a hman lo nak kong cu a chim, “pasal ka neih ni le caan hi a si khawh chung i fel fai seh ti hi ka duh. Mah cacun wheelchair hmang lo i ka kal nak a ruang cu a si.” tiah Wheelchair a hman lo nak a ruang cu a chim.

Cebu khualipi hi Covid 19 pandemic ruang ah quarantine tang ah um cuahmah lio mi asn i. Mah cacun Rosie pasal a neih nak zong ah hin mi tlawm te an kal khawh nak a ruang cu a si. Bawipa nih an lam hruai ko hna seh.

Video   https://www.youtube.com/watch?v=eVUjnQVSl-8

Source : EliteReaders