Tarnu Baba Vanga nih 2021 Kum Thar Kong a Phuanmi cu a Thei Phu te bak a si

Baba Vang hi kum 1911 ahchuak in kum 1996 ah a nunnak a liam, a thih hlanah hin biaphuan atampi a rak ngei, tih a nung kho tak tak. Soviet union thluk chiat nak kong te hna, 9/11(2001) tuknak te hna, Princess diana konglam te hna, Chernobyl rawhralnak te hna le Japan ram kum 2004 lio Tsunami tihnung tukmi te hna kha arak phuan bal cang, a biaphuan bantuk bak a cang dih vawn. An chim ningah a biaphuan mi 85% cu a dik dih tiah mithiam pawl nih an langhter.

 Kum 2021 ah thl cang dingmi a phuancia mi cheukhat langhter tuah u sih:

Tihnung tukmi rawlralnak: kan vawlei pumpuluk nih rawlralnak fak tak tak a tuar lai, minung hna nih kan ngalhnak le duhnak a theng lai i, mah caan hi caan chia le har tak tak mi caan a hung si te lai. Mipi hna cu an zumhnak ruangah an I cheu viar lai i, tuni i a dam mi hna hi cubantuk rawhralnak theihpitu ka si te lai.

Tlanglawng van ah zuang cang lai: kum 2021 ahcun Ni tha caknak hmangin Tlanglawng hna hi van ah an zuang te lai. Mah tikah cun petrol hi an ser chuah ti lailo tiah a langhter fawn. zei poh cu va si selaw, tuchan ah cun zeitindah solar energy hi tha deuhin kan hman lai timi ruah ciau asi cang. Lawlawse ah tuah kho hmanh hlah selaw, hmai lei caan ah cun thil si kholo asi baklo. Vanlawng hmang an zuanter khawh cun tlawnglawng zong ni nikhat ah cun an zuangter khawh men ko lai.

China nih vawlei a uk lai: Baba nih a chim ningah cun Rulhreu ngan tak tak mi nih minung a uk lai tiah a langhter. Rulhreu ngan taktakmi pathum hna cu an I fumtawm fawn lai. micheukhat nih tangka sen an hman ka hmuh i, mah an tangka cu zero in 100, 5 ti bantuk asi tiah a chim fawn. hi thil hi tha tein ruahah cun thil cang khomi asi pinah a cang cuahmah cang. Rulhreu ngan taktak mi hi China a chimnak asi. China hi super power sikhawhnak lam tampi a awng cang. Rulhreu pathum a timi hna hi Russia, India le China an si fawn. kan theih bantukin Russia tangka 5000 ca khi a sen asi, cu ve bantukin China tangka 100 ca khi a sen fawn.  Cancer zawtnak sii: Baba vanga chimningah cun 21st century thawkka ah cun cancer zawtnak hi minung hna nih an dam khawh cang lai. A sii an hmuh cang lai. zawtnak tihnung tukmi Cancer cu cikcin in an hrenh cang lai tiah a chim fawn. hi thil hi tha tein ruah ahcun a hman men lai. Cancer zawtnak chuahka in tuni tiang tuak usi law, zeitlukin dah mithiam hna nih an tei khawh cang timi a faing ko. Minung fimthiamnak hmangin cancer zawtnak ngeimi tampi damter an si cang. Cucaah zumhnak he cancer zawtnak sii zong ni nikhat ah cun an hmuhchuah te ko lai.Credit: Daily Mail