2022 kum World Cup ram 32 chung ah alut cang mi ram le lut ding atangrih mi cu kan zoh ta lai World Cup Final Qatar stadium tha bik ah,
2022 kum World Cup ram 32 chung ah alut cang mi ram,
2022 kum World Cup Bawlung suihnak ding cu Qatar (host) Europe (UEFA) ah atling cang mi ram 10 hna cu:- Germany, Denmark, France , Belgium, Croatia, Spain, Serbia, England, Switzerland, Netherlands an si, Football ram thangcho Europe in play-off hmang in team 3 anrak tling than lai, an dih lak in quota 13 an ngei, Play-off final draw ah Portugal vs North Macedonia, Poland vs Sweden, Ukraine/ Scotland vs Wales hna an si.
South America (CONMEBOL) in atling cang mi ram hna cu:- Brazil, Argentina, Ecuador, Uruguay hna an si, Football thiam um tamnak South America nih hin a dih lak in, quota 5 ngeih asi, direct quota 4 an ngei, 5-nak hi inter-confederation play-off ah AFC (Asia) play-off champion he an suih lai, teitu acak mi nih World Cup 2022 suih khawh ding ah atling lai tina kasi, CONMEBOL in 5 nak si khawh team 3 – Peru, Colombia le Chile hna an um, Asia in an suih ding team theih asirih lo nain, Australia an si khawh tiah zum asi, UAE, Iraq le Lebanon hna he zong an suih khawh men chim thiam ahar rih ko.
Asia (AFC) in world Cup suih khawh ding ah atling cang mi ram hna cu:- Iran, South Korea, Japan, Saudi Arabia hna an si cang, AFC Asia nih hin quota 5 an ngei, 4 an tling cang, AFC play-off suih ding ah Australia an tling cang, An suih pi ding ah theih asi rih lo, Group A ah 3rd place team sikhawh mi UAE, Iraq le Lebanon hna chung in ram pakhatkhat he an suih ko lai, an cak/tei mi nih South America-ah 5-nak he inter-confederation play-off an suih lai.
North America (CONCACAF) ah cun fiang tein atling mi thei khawh asi rih lo, North America ah hin quota 4 an ngei, direct quota 3 an si, Canada nih achia bik ah inter-confederation play-off an suih khawh lai, leader si lio play-off suih her lo in, an suih tling hrimhrim ko lai tiah zum asi, CONCACAF in USA le Mexico cu direct- tling khawh ding dirhmun ah an um lio khi asi, Costa Rica le Panama hna cu play-off suih khawh dirhmun ah an dir lio fawn.
An group-ah 4-nak nih hin inter-confederation play-off ah Oceania champion he an suih lai, Oceania Football Confederation (OFC) hi Direct quota an ngei lo khi asi, Australia cu AFC (Asia) lei ah a tel cang ruang ah, New Zealand pin ah team tha an um tuk lem lo khi asi, CONCACAF (North America) 4-nak he inter-confederation play-off an suih lai, mah vialte hna hi ara lai world Cup kong he peh tlai in news/thawngpang kan theih khawh rih mi asi.