A Poi Tak Tak. Donald Trump Cu Election Kong Post An Siang Ti Lo.

A poi taktak si. Tunai deuh te khan Donald Trump cu Twitter lei nih Election kong hrim hrim post an senh ti lo. Hi hi a ruang bik cu Joe Biden a phomh ruang asi “Steal Election” tiah Joe Biden a ti ruang ah Twitter lei nih a catial mi cu mipi hmuh khawh lo dingin an hide piak hi asi. Election kong a post hrim hrim ahcun Twitter lei nih “its content is disputed and could be misleading” tiah an ti peng. Twitter nih hin bia dawhcah lo ti phun hna hi an kham mi asi caah ralrin hau ve bak mi asi. “Steal Election” timi te a tial ruang ah Trump cu election kong a tial mi an hide piak bak ko hi. Poi tak tak si, a caan lio te ah mu.

(A tanglei capar hi van rel chap) Tunai deuh te khan Media ah Joe Biden nih mipi hmai ah biachim nak caan a ngei. A chim mi cu “Florida, Ohio le Texas ah Trump nih teinak hmu ko hmanhsehlaw Vote hi a dih lak rel a si hlan cu zeihmanh chim khawh asi lo. Teinak cu kan hmuh hrim hrim lai” tiah a chim.

Donald trump nih Twitter ah a leh ve colh fak ngai in a phomh. Donald Trump nihcun “Tutan Election hi hlennak le fir nak in teinak hmuh ding cu kan onh lai lo. vote caan a dih hnu ah vote pek than a ngah ti lai lo” tiah Biden biachim khawh bak in a tweets colh.

(Zinglei deuh kan tial mi van rel chap) Swing State i teinak hmuh hi Presidential Candidate ahcun a biapi taktak. Cu lio ah Trump nih Swing state pawl ah a tu hi hma a hruai lio a si. Thawngpang tha taktak a si. Trump cu US President si than dawh a si cang.

Tump caah thawngpang tha ngai ngai a si cang. Electoral Vote ah Biden nih 223 a hmuh cang Trump zong nih a dawi thluahmah i 204 bak a hmuh cang. State a biapi tukmi Ohio, hi swing state a si i Trump nih teinak a hmuh. Cun Swing State tampi ah Trump nih teinak a hmuh. Hi ti ning te cun Trump nih teinak a hmuh lai tiah ruah a si. Biden nih a teinak State pawl hi a teinak hmun pawl an si ko. Trump nih teinak a rak hmuh nak hmunhma tam deuh a tan rih caah ruahchannak a sang ngaingai. Trump nih tei dawh langh in a lang cang!

US President thimtu, Electoral college-ahhin vote 538 a um. Cucaah teitu si khawhnak ding ah Vote 270 hmuh a hau. Electoral College an ngeih khawhmi zat hi state kip nih vote an neihmi zoh in sermi a si. Phun dangin chim ahcun mipi tam deuhnak paoh Electoral College vote tam deuh an ngei ti khawh zong a si. Mipi nihhin President thimnak ding ah vote cu an thlak ve tthiam ko. Nain mipi vote, Popular vote tiah auhmi vote tam deuh a hmumi paoh kha President an tling tinak a si hlei lo. Mipi vote in a tammi zong kha President tlin lo khawh a si tthiamtthiam. 2016 ithimnak ahkhan Democrats Hillary Clinton cu zuamcawhtu Republican Party Donald Trump nakin popular vote ah tam deuh a hmu. Nain Trump nih Electoral College ah vote tam deuh a hmuh ve caah US President caah thim a si.

Phun dang in kan chim ahcun Electoral College vote kha president thimtu taktak vote cu a si. Winner-takes-all rule: State tam deuh ahcun winner-takes-all rule hman a si i, hi a sullam cu popular vote ah mark tambik a hmumi cu candidate caah State Electoral College vote pek viar an si. State zeimawzat ahcun party a tthawng deuhmi kan theih khawh bang nain State cheukhat ahcun a tthawng dingmi, teitu si dingmi theih khawh a si ve hoi lo. A ruang cu Battleground state timi a um. Hi sate hna hi Swing state tiah auh an si. Democrats le Republicans an itei veve lengmang nak a si. Phun dang in kan chim ahcun khuachel ah Democrats nih a tei i, khuachel ah republican nih a tei ve. Cuti zungzal ttanhmi party a ngei lomi State kha Swing state tiah auhmi cu an si.

(Zinglei deuh kan rak tial mi asi) Wow Donald Trump cu aa zum taktak cang hi. Twitter bak ah tunai khan hi bia hi a van tweets, “WE ARE LOOKING REALLY GOOD ALL OVER THE COUNTRY. THANK YOU!” tiah ram pumpuluk ah an party cu an thawng tuk bia a van langhter i lawmhbia a van chim. A zum bak ko hi. Cu lio ahcun Florida tu hi thinpang ngaingai a si rih.

A tu nai te bak khan Donald Trump nih Kansas ah teinak a van hmuh than. Cu lio ah Florida tu ahcun Trump nih hin tlawm pal te lawng lawng in hma a hruai. Percentage ah Democrat Joe Biden nih 48% a hmuh lio ah Donald Trump nih 50.7 % a hmuh. A vote number in cun Joe Biden nih-30,387,394 a hmu. Donald Trump nih 32,095,641 a hmuh ve. An i dan nak hi tlawm pal te lawng lawng a si caah thin a phang ngaingai rih. Florida results hi hngah cuah mah lio mi a si.

A tanglei ah US Presidential Elections results Updates kan van thlah rak rel cio u. US thimnak result cu suimilam pakhat hnu pakhat alinsa chin lengmang ko hih. A ho poh mitkuh vuailoin result kan hngak cio ttheo lai. A ruang cu tukum thimnak hi a biapi tukmi asi caah a si awk zong cu asi veko. AN vote hi zoh tikah thinlung alinhsat ter tuk aa zaycio cio bak khi an si ko. Thin hna aphang thulh, lungthin hna a cawlcangh ning a vun rang deuh thulh. A nuam taktak khi siko.

US Presidential Elections Results Updates :

Tu zinglei Suimilam 7:30 am(IST) tiang ah Republican Donald Trump nih Arkansas, Alabama, Mississippi, Kentucky, Oklahoma le Tennessee hna ah tei nak a hmuh.

Cu lio ah Democrat Joe Biden nih Connecticut, Delaware, Illinois, Maryland,Massachusetts, New Jersey le Rhode Island hna ah tei nak a hmuh ve. Mah hi zinglei Suimilam 7:30 am tiang ah a si ti kha nan theih awk ah ka duh.

Tu zinglei Suimilam 7:50 am (IST) ah hi bantuk hin an dirhmun a si. Republican Donald Trump nih Louisiana, Nebraska, Nebraska’s 3rd Congressional District, North Dakota, South Dakota le Wyoming ah teinak a hmuh than.

Cu lio ahcun Democrat Joa Biden nih New Mexico and New York ah teinak a hmuh ve fawn.

Kha vial kha si rih seh. Updates um bak in kan van post than lai. News rel tu nan dih lak cung ah lunglawmhnak tampi kan ngei.