America President Joe Biden cu vawlei pumpi hmai ah avawi hnih nak ningzah mualpho asi than cang, Putin anituknak ah athi deng,

America President hruaitu bik nih idohnak achuak cang ko lai tiin vawi tampi arak phuang mi cu, achim bantuk in idohnak cu achuak lem lo khi asi, mahr uang ah cun Vawlei Media hna nih cunt u hnu ah hin President bik bia chim hi mipi nih kan zum rih lai maw? Aho nih dah an bia chim hi azum ti lai? Atu ah cun Joe Biden bia chim le umtu ning ah zulh tlak asi le si lo, kan theihthiam ceu ko cang lai cu, 2021 Afghanistan ram Taliban kut ah a tluk chiat ah khan, vawlei pumpi le ram kip nih an soisel mi cu, America cu kum 20 chung ram uktu ah hin, President Joe Biden nih khawkhan lairel tha lo tuk in akalpi khawh lo pin ah, vawlei ram dang hna zong nih an biachim zeihmanh an rel piak lo khi asi fawn, mahruang ah cun dakaw Afghanistan ram ah ralkap thatha minung 200 leng le American Officer zei maw zat nih an thih pi mi kha asi.

Afghanistan cu Taliban pawl nih an uk than khi asi fawn pin ah, atu ah hin Afghanistan economy zong achiattuk ruang ah nu kum tling lo hna tiang nih faktuk in an tuar than ko cang khi asi, Nu kum tling lo hna hi zangfak taktak khi asi aruang cu Taliban hna nih duh tawk in nupa sinak an duh zong ah duh lo zong ah hramhram in an hmanpi khi asi, mah thil cang mi vialte hna hi Biden administration nih kumkhat long te can an hman rih lio ah asi, atu ah hin Ukraine Tension buainak ah atu bantuk in an mualpho than khi asi hawi cang.

President Biden nih hin Russia nih Ukraine invasion a ngei lai tiin, January thla in warning a pek peng cang khi asi, asi nain Russia nih hin vawikhat te hmanh meithal an kap lo khah, Ukrainian President Zelinsky zong nih Biden nih an ram mipi hna lung abuaiter bak mi asi tiah fak nawn in vawihnih asik bak ko khah, Biden hi atu ah Vawleipi hmai ah a mualpho cuahmah lio khi asi than cang, February 16 ah Russia Ukraine Invasion a phan lai tiah atimi cu atu ah zei hmanh aphan lo daidep in boruak a um tik ah news dang dang hna ah, Biden bia chim mi cu arak lang ngai ngai fawn cang khi asi, American hi vawlei cung ah thil tikhawh bik mi ram asi tawn mi cu President mualphonak le bia chim ruang ah America mualphonak bantuk khi asi tel chih, zei poh poh hi Biden mualphonak ah an ruah dih hna cang khi asi, Putin zong nih Joe Biden bia chim cu kani achuah tuknak ah ka thi deng mang ati.

Atu Ukraine buainak ah cun khat lei kap in kan ruah ah cun Biden nih hin Ukraine ram cu hriamnam tampi le tangka tampi an bawm ve ko nain, khat lei abia chim sual ruang ah hin mah an thil tha tuah mi cu akhuh dih piak khi asi ve fawn tik ah, thil tha tuah nak in thil tha lo pakhat te hi arak lar tawn khi asi ve, America lei zong ah Biden hi a lar tuk lem lo khi asi, Politico-Morning Consult polling ah America President nih hin 39% longte Approval an hmuh, Democrats hna nih November midterm elections an ngeih ding ah an thatpi kho lo men khi asi, Politico report ah Swing states chung ah Democratic Congressional Campaign Committee nih Republicans hna nih 4-14 in thanchonak angei, Democrats hna hi bia tak tein tan lak an herh ve ko hih!